Sioleta ŭ Mienskaj vobłaści źjaviłasia bolš za 20 novych sielskich siadzibaŭ, što akazvajuć pasłuhi ahraekaturyzmu.
Pavodle słoŭ śpiecyjalista, hetym letam u Minskaj vobłaści naličvałasia bolš za 50 takich siadzibaŭ. Prahnazujecca, što da 2010 hoda ich kolkaść uzraście prykładna ŭdvaja.
Na dumku A.Brok, dalejšyja tempy raźvićcia ahraekaturyzmu zaležać najpierš ad samich sielskich žycharoŭ. «Jany pavinny być patryjotami», — padkreśliła śpiecyjalist. Jana ličyć, što adkryć sielskuju siadzibu dastatkova prosta: haspadar pavinien paviedamić pra svajo rašeńnie ŭ sielski abo pasiałkovy saviet, zapłacić adnu bazavuju vieličyniu ŭ hod i zdavać turystam nie bolš za piać pakojaŭ.
A.Brok paviedamiła, što ŭ Minskaj vobłaści hety vid dziejnaści atrymaŭ najbolšaje raźvićcio, paśla taho jak 11 listapada 2005 źjaviłasia ideja stvareńnia hramadskaha savieta pa ahraekaturyźmie. Z taho času pryniata rašeńnie ab vydačy haspadaram sielskich siadzibaŭ lhotnaha piacipracentnaha kredytu (u vypadku abhruntavańnia nieabchodnaści rekanstrukcyi siadziby), u kožnym rajonie stvorana rabočaja hrupa, jakaja sadziejničaje atrymańniu takoha kredytu. Aprača taho, vydany karty siadzibaŭ Minskaj vobłaści, vypuskajucca mietadyčnyja dapamožniki, pravodziacca biaspłatnyja navučalnyja sieminary dla haspadaroŭ siadzibaŭ.
Pavodle słoŭ A.Brok, ciapier razhladajucca pytańni palapšeńnia daroh, što viaduć da abjektaŭ ahraekaturyzmu. K letu 2008 hoda płanujecca ŭstanavić darožnyja pakazalniki da bolšaści siadzibaŭ Minskaj vobłaści.
Śpiecyjalist zaznačyła, što ŭžo stvoranyja siadziby karystajucca vialikim popytam u turystaŭ: aprača ŭsiaho inšaha taki adpačynak pryvabny i adnosna nievysokim koštam. Tak, kali havorka idzie tolki ab pradastaŭleńni pakoja na čatyry‑šeść čałaviek, kožny ź ich moža zapłacić u sutki pryblizna 3 dołary. Kali hości žadajuć siłkavacca stravami, pryhatavanymi haspadarami, abo majuć patrebu ŭ invientary, košt pavyšajecca prykładna da 10, 12 abo 15 dołaraŭ u sutki.
«Ahraekaturyzm raźvivajecca, i kali pravieści anałohii ź situacyjaj dźviuch‑, trochhadovaj daŭniny, to ŭspleks jość i vielmi značny», — zaznačyła A.Brok.
Kamientary