Krainy — členy Jeŭrazijskaha ekanamičnaha sajuza majuć namier stymulavać dobrasumlennuju kankurencyju na rynku sajuza i maksimalna efiektyŭna abaraniać spažyŭcoŭ i biźnies. Ab hetym zajaviŭ prezident RF Uładzimir Pucin pa vynikach pasiadžeńnia Vyšejšaha jeŭrazijskaha savieta na ŭzroŭni kiraŭnikoŭ dziaržaŭ u Astanie.
«Rasija, Biełaruś i Kazachstan majuć namier stymulavać dobrasumlennaje spabornictva na rynku sajuza; adnačasova budzie zabiaśpiečana maksimalna efiektyŭnaja abarona spažyŭcoŭ i biźniesu krain-udzielnic», — zajaviŭ Pucin.
«Dahavor (ab stvareńni JEAES) maje epachalnaje i histaryčnaje značeńnie, adkryvaje samyja šyrokija pierśpiektyvy dla raźvićcia ekanomik i pavyšeńnia dabrabytu hramadzian našych krain», — skazaŭ Pucin. Jon padkreśliŭ, što dziaržavy «trojki» «buduć pravodzić uzhodnienuju palityku ŭ klučavych halinach ekanomiki — u enierhietycy, pramysłovaści, sielskaj haspadarcy, transparcie».
«Na suśvietnaj arenie źjaŭlajecca novaja ekanamičnaja arhanizacyja, jakaja vałodaje ŭ poŭnaj miery mižnarodnaj pravasubjektnaściu i dziejnaja na asnovie pryncypaŭ SHA. Pieradača asobnych paŭnamoctvaŭ nacyjanalnym orhanam Sajuza nie nanosić absalutna nijakaj škody suvierenitetu našych krain», — dadaŭ prezident RF.
Pucin padkreśliŭ, što za apošnija try hady tavaraabarot unutry Mytnaha sajuza vyras praktyčna na 50%, ci na 23 młrd. dołaraŭ (pa vynikach 2013 hoda jon dasiahnuŭ 66,2 młrd. dołaraŭ).
«Razam Biełaruś i Kazachstan vyjšli na treciaje miesca ŭ źniešniehandlovym bałansie Rasijskaj Fiederacyi paśla ES i Kitaja… Heta havoryć ab tym, što vychodzim my na taki ŭzrovień u značnaj stupieni dziakujučy mienavita intehracyjnym pracesam», — upeŭnieny rasijski prezident.
Jon adznačyŭ, što kiraŭniki dziaržaŭ siońnia padrabiazna abmierkavali, jak vykarystoŭvać patencyjał JEAES dla naroščvańnia tavarnych patokaŭ i inviestycyj, pašyreńnia pramysłovaj i technałahičnaj kaapieracyi. Asobnuju ŭvahu ŭdzielniki nadali pytańniam udaskanaleńnia dziełavoha klimatu.
Pavodle słoŭ Pucina, stvareńnie JEAES dazvolić u pierśpiektyvie pavialičyć ustojlivaść finansavych sistem krain-udzielnic. «Na pierśpiektyvu pastavili zadaču stvareńnia ahulnaha finansavaha rynku», — paviedamiŭ jon.
«Źniaćcie barjeraŭ na šlachu kapitałaŭ dazvolić dyviersifikavać ryzyki, palepšyć jakaść, dastupnaść i nadziejnaść finansavych pasłuh», — pierakanany prezident RF.
«Paetapnaja harmanizacyja valutnaj palityki pavysić ustojlivaść finansavych sistem dziaržaŭ — členaŭ sajuza, zrobić nacyjanalnyja hrašovyja rynki bolš pradkazalnymi, lepš abaronienymi ad vahańniaŭ kursaŭ valut, pavysić naš suvierenitet», — zajaviŭ Pucin.
Pavodle słoŭ rasijskaha lidara, udzielniki sajuza razhladajuć pytańni ŭzajemadziejańnia z trecimi krainami. Pytańnie ab uvachodžańni Armienii ŭ JEAES płanujecca vyrašyć da 1 lipienia.
«Damovilisia aktyvizavać pieramovy z Vjetnamam ab stvareńni zony svabodnaha handlu, umacoŭvać uzajemadziejańnie z KNR, u tym liku ŭ śfiery abmienu infarmacyjaj pa tavarach i pasłuhach, sfarmiravać ekśpiertnyja hrupy pa vypracoŭcy prefierencyjalnych režymaŭ handlu ź Izrailem i Indyjaj», — skazaŭ Pucin.
Prezident RF pierakanany, što členy JEAES zmohuć «stvaryć samyja spryjalnyja ŭmovy dla raźvićcia našych ekanomik — u metach zabieśpiačeńnia stabilnaści, biaśpieki i praćvitańnia na jeŭrazijskaj prastory».
«Pieravahi jeŭrazijskaj intehracyi pavinny ŭ poŭnaj miery acanić i hramadzianie našych krain, jany atrymajuć prava svabodna pracavać u dziaržavach «trojki», pry hetym afarmleńnie jakich-niebudź dazvołaŭ nie patrabujecca», — skazaŭ Pucin.
Ciapier čytajuć
Mabilny Anžaliki Mielnikavaj z 19 sakavika znachodzicca na terytoryi Biełarusi62
Kamientary