Jak stała viadoma, amerykanskaha piśmieńnika nia stała 10 listapada. Jon pamior u adnoj ź ńju-jorskich bolnic ad chvaroby nyrak. Norman Mejler pražyŭ 84 hady.
Norman Mejler — adzin z samych viadomych amerykanskich piśmieńnikaŭ, refarmatar dakumentalnaha ramanu, dvojčy laŭreat Pulitceraŭskaj premii (1969, 1980), piša časopis «ARCHE». U 1960—70-ja jon raspracavaŭ novy žurnaliscki styl, pieraniosšy ramannuju stylistyku i aŭtabijahrafizm u repartažnyja, kamentarnyja, publicystyčnyja teksty. Jon naradziŭsia ŭ Ńju-Džerzi (1923), vyras u Bruklinie, vučyŭsia ŭ Harvardzkim universytecie (na avijacyjnaha inžynera), paśla ŭ Sarbonie, vajavaŭ na Cichim akijanie ŭ časie druhoj suśvietnaj. U 1949-m jon pračytaŭ «Kapitał» i paśla pryznavaŭsia, što heta dapamahło jamu stać dobrym piśmieńnikam.
Mejleravy ramany časta vyklikali sprečki z pryčyny jahonaha nankanfarmisckaha stylu i nieprymalnaha dla mnohich pohladu na amerykanski ład žyćcia. U 1960—70‑ia jon pracavaŭ palityčnym kamentataram i eseistam u mužčynskich časopisach «Playboy», «Esquire», a taksama intelektualnych vydańniach, takich, jak «Commentary», «The New York Review of Books», siabram vykankamu i prezydentam (1984—86) Amerykanskaha PEN‑Centru. U 1969 hodzie balatavaŭsia ŭ mery Ńju‑Jorku ŭ jakaści niezaležnaha kandydata.
Jon byŭ šeść razoŭ žanaty i maje dziaviaciera dziaciej. U 1970‑ia jon staŭ mišeńniu dla feministak, u tym liku i Kiejt Milet (hł. «Seksualnaja palityka» ŭ «ARCHE‑Kabiety»). Jon aŭtar scenaru da filmu «Adnojčy ŭ Amerycy» (1984), bijahrafii Li Charvi Osvalda «Kazka Osvalda» (1995).
Jahony apošni raman «Evanhielle ad Syna» (1997) — heta napisanaja ad pieršaj asoby spravazdača pra žyćcio nie čužoha ničomu ludzkamu Isusa Chrysta.
Jahonaja apošniaja kniha — «The Spooky Art» (2003), zbornik artykułaŭ pra litaraturu. Artykuł Mejlera pa-biełarusku možna pračytać tut
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary