U bajniecie źjaviŭsia sajt Regiony.by, pryznačany dapamahčy abdzielenym uvahaj nievialikim haradam.
Regiony.by — novy miedyjapartał, jaki abjadnoŭvaje 193 nasielenyja punkty sa statusam abłasnych i rajonnych centraŭ.
Sajt Regiony.by.
Karystalnik moža zarehistravacca na sajcie ci ŭvajści na jaho z dapamohaj rachunka ŭ Facebook, «Ukantakcie», Twitter, Mail.ru, Livejournal, Google+, «Jandieksie» ci «Adnakłaśnikach». Paśla ŭvachodu na sajt stanovicca dastupny vybar nasielenaha punkta.
Sajt składajecca ź niekalkich vialikich błokaŭ, jakija achoplivajuć amal usie aśpiekty haradskoha žyćcia.
Pieršaje, što bačyć naviedvalnik, — heta błok navinaŭ. Adzin sa stvaralnikaŭ sajta Aleś Mazur kaža, što pakul naviny nie padzieleny pa haradach i ich dla stužki adbiraje kamanda ŭ Minsku:
«Sajt pracuje ŭsiaho niekalki dzion. Ale ŭ pierśpiektyvie my płanujem mieć redaktara ŭ kožnym asobnym horadzie i zaprašajem ludziej da supracoŭnictva. Hetyja ludzi buduć adbirać miascovyja naviny, aktualnyja dla kožnaha nasielenaha punkta».
Stužka navinaŭ i prahnoz nadvorja — chiba što adziniyja rečy, za jakija adkazna redakcyja Regiony.by. Inšy kantent karystalnikam prapanujecca stvarać samastojnaj.
Na sajt možna zahružać fatazdymki i videaroliki, pakidać «stykiery» z paviedamleńniami, jakija Mazur nazyvaje svojeasabiłvaj «sacyjalnaj sietkaj» horada.
Adnak asabliva cikavyja infarmacyjnyja servisy partała. Kožny horam maje svaju afišu, kudy možna dadać svaju padzieju.
Regiony.by abiacajuć šyrokija mahčymaści dla biznesaŭ. Tak, u raździele «Pasłuhi» možna znajści katałoh kampanij ci pasłuh ad pryvatnych asob. Pry hetym svaju kampaniju ci pasłuhu (pa-sutnaści pryvatnuju abviestku) možna dadać u adzin z 42 raździełaŭ katałoha biaspłatna.
Raździeły «Praca» i «Tavary» pakul napaŭniajucca i nie pracujuć. Ale paśla ich zapusku jany stanuć katałohami vakansij i tavaraŭ z pryviazkaj da kožnaha asobna ŭziataha horada.
Jašče adzin katałoh — katałoh sajtaŭ, kudy možna dadavać spasyłki na veb-resursy svajho horada.
Jość na sajcie i ŭkładka «Transpart». Na žal, ciapier hety raździeł utrymlivaje tolki raskład ruchu pryharadnych ciahnikoŭ, adnak chočacca spadziavacca, što ź ciaham času raspracoŭščyki dadaduć inšyja, u pieršuju čarhu haradskija vidy transpartu. Taksama ŭ raździele «Transpart» realizavany pošuk spadarožnikaŭ: možna dadać abjavu ab pajezdcy zapłanavanaj pajezdcy ci pašukać aŭtamabil da nieabchodnaha miesca.
«Abjavu ŭ afišu horada možna dadać biaspłatna. Ale kali čałaviek choča prarekłamavać padzieju na ŭsiu Biełaruś, heta pasłuha płatnaja. Ci ŭ vypadku z katałoham kampanij kožny moža stvaryć bazavy akaŭnt dla svajoj firmy biaspłatna. Dadatkovyja opcyi buduć dastupnyja za hrošy».
Prysutničajuć i nievialikija cikavostki. Kožny horad maje možna acanić i tym samym pavysić i panizić ahulny rejtynh horada. Taksama na sajcie zajaŭlena mahčymaść vieści błoh, ale pry pierachodzie pa spasyłcy partał vydaje paviedamleńnie ab adsutnaści staronki z błohami.
Mova interfiejsu — tolki rasijskaja. Adnak Mazur paabiacaŭ i biełaruskamoŭnuju viersiju sajta.
«U ruchaviku partała jość mahčymaść vykarystoŭvać niekalki moŭ. Tamu ź ciaham času my dadazim i biełauskuju», — patłumačyŭ Mazur.
