Niedyplamatyčnaje vykazvańnie karala Hišpanii na adras venesuelskaha prezydenta stała chitom na rynku melodyj dla mabilnych telefonaŭ u Hišpanii. A ŭ Venesuele formaj pratestu suprać palityki Čavesa.
Prykładna paŭmiljona čałaviek zahruzili znakamitaje karaleŭskaje «A mo zatkniešsia?». Mienavita tak Chuan Karlas I źviarnuŭsia da Uha Čavesa, kali toj sprabavaŭ umiašacca ŭ vystup hišpanskaha premjer‑ministra Sapatera padčas Ibera‑amerykanskaha samitu ŭ Čyli.
Na rynhtonie ŭžo ŭdałosia zarabić 1,5 młn. eŭra. Kubki i cišotki z hetym vykazvańniem taksama dobra pradajucca.
Kampanija, jakaja vypuściła melodyju, nie parušyła zakonu ŭ halinie aŭtarskaha prava ŭ dačynieńni da karaleŭskaj siamji — tekst karaleŭskaha vykazvańnia načytaŭ aktor.
«Forma pratestu»
Rynhton karystajecca popytam nia tolki ŭ Hišpanii. Pavodle amerykanskaje presy, u Venesuele jaho z radaściu zahružajuć apazycyjna nastrojenyja studenty.
«Hetaja takaja forma pratestu, — kaža 21‑hadovy z Karakasu. — Mnohija ludzi chacieli b skazać prezydentu toje ž samaje».
Hišpanija ž vykazała nadzieju na najchutčejšaje viartańnie da narmalnych dyplamatyčnych adnosinaŭ z Venesuełaj.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam2
Kamientary