Taryf «Nastaŭnicki» moža źjavicca ŭ mabilnych apierataraŭ Biełarusi
Taryf «Nastaŭnicki» moža źjavicca ŭ mabilnych apierataraŭ Biełarusi. Ab hetym raskazaŭ siońnia rektar BDPU prafiesar Alaksandr Žuk.
Pa słovach rektara, adna z prapanoŭ pa sacyjalnaj padtrymcy nastaŭnictva, jakaja razhladajecca zaraz mabilnymi apieratarami Biełarusi, tyčycca źnižkavaj sistemy na telefonnyja razmovy. Papiarednija pieramovy prajšli ŭ Ministerstvie adukacyi, zaraz idzie praca pa mahčymym ažyćciaŭleńni takoha prajekta. «Jašče rana kazać pra terminy ŭviadzieńnia takoha płanu, ale nam by vielmi chaciełasia papracavać z mabilnymi apieratarami nad takim prajektam», — adznačyŭ jon.
«Novy taryfny płan, jaki ŭžo raspracoŭvajecca ŭ MTS śpiecyjalna dla pradstaŭnikoŭ śfiery adukacyi, budzie ŭličvać usie patreby sučasnaha piedahoha. Pakolki biez mabilnaj suviazi arhanizavać navučalny praces stanovicca ŭsio bolš składana, apieratar pradastavić mahčymaść nastaŭnikam mieć znosiny pamiž saboj na śpiecyjalnych umovach. Heta dazvolić skaracić vydatki na słužbovuju suviaź da minimumu. Papiarednie, novy taryfny płan budzie adkryty dla padklučeńnia ŭžo ŭ pačatku navučalnaha hoda», — raspaviali ŭ pres-słužbie mabilnaha apieratara MTS.
Taksama Alaksandr Žuk raspavioŭ, što akramia ŭžo ahučanych uradam płanaŭ pa pavieličeńni zarabotnaj płaty nastaŭnikam z 1 vieraśnia ŭ Biełarusi (jaje płanujecca pavysić na 15-18%) jość jašče prapanovy pa sacyjalnaj padtrymcy nastaŭnictva. Naprykład, sumiesna ź Ministerstvam kultury prapracoŭvajecca pytańnie ab pradastaŭleńni śpiecyjalnych skidak nastaŭnikam na naviedvańnie teatraŭ, muziejaŭ i h.d.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary