Kiraŭnik VTB: Novyja sankcyi ZŠA niedarečnyja i supiarečać duchu i normam prava
Novyja sankcyi ZŠA niedarečnyja i supiarečać duchu i normam prava, naniasuć istotny ŭron finansavamu siektaru. Pra heta zajaviŭ kiraŭnik banka VTB Andrej Kościn u intervju telekanału «Rasija 24».
«Niadaŭna pryniaty zakon (1 lipienia ŭ Rasii ŭstupiŭ u siłu zakon ab zabaronie nienarmatyŭnaj leksiki ŭ efiry i druku) zabaraniaje mnie ŭ efiry vykazać svajo staŭleńnie ŭ tych słovach, jakija, na moj pohlad, byli b najbolš darečnyja. Viadoma, hetyja sankcyi niedarečnyja, i viadoma, jany nie adpaviadajuć ni duchu, ni pravavym normam isnujučych mižnarodnych adnosin, u pryvatnaści ŭ halinie finansaŭ i bankaŭskaj spravy», — skazaŭ Kościn.
Taksama, na dumku Andreja Kościna, sankcyi naniasuć istotnuju škodu rasijskamu finansavamu siektaru. «Viadoma, sankcyi robiać surjozny ŭron. Sankcyi, jakija siońnia ŭžyvajucca, aznačajuć udar pa najbujniejšych rasijskich kampanijach, liderach u svajoj halinie, budzie heta enierhietyka abo bankaŭski siektar», — skazaŭ jon, nahadaŭšy, što prezident RF Uładzimir Pucin užo zajaŭlaŭ, što takija dziejańni mižnarodnych partnioraŭ RF buduć mieć «efiekt bumieranha».
Suśvietnamu finansavamu siektaru pahražaje «bałkanizacyja» (drabnieńnie), a namahańni krain «dvaccatki» pa jaho refarmavańni mohuć zajści ŭ tupik z-za dziejańniaŭ ZŠA ŭ adnosinach da rasijskich i jeŭrapiejskich bankaŭ, zajaviŭ kiraŭnik banka VTB.
Kościn nazvaŭ amierykanskija sankcyi ŭ dačynieńni da šerahu rasijskich bankaŭ, a taksama štraf u dačynieńni da francuzskaha banka BNP Paribas ŭ jakaści prykładaŭ takich dziejańniaŭ. «Ja liču, što kali my nie zrobim mier dla spynieńnia takich adnabakovych dziejańniaŭ, my možam stać śviedkami sapraŭdy razburalnych nastupstvaŭ dla suśvietnaj finansavaj sistemy», — zajaviŭ Kościn. Jon prapanavaŭ pradstaŭnikam biźniesu źviarnucca z adpaviednymi rekamiendacyjami da lideraŭ krain G20.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary