U Maskvy, napeŭna, zastałasia apošniaja mahčymaść pakazać, što jana sapraŭdy surjozna zacikaŭlena ŭ vyrašeńni kanfliktu ŭ Ukrainie. Pra heta zajaviŭ ministr zamiežnych spraŭ Frank-Valter Štajnmajer u intervju niamieckaj haziecie Bild am Sonntag.
Ministr rezka raskrytykavaŭ Rasiju z-za źbitaha nad Ukrainaj pasažyrskaha samalota małajzijskich avijalinij.
Jon abvinavaciŭ u katastrofie sieparatystaŭ.
«Pavinny ścierahčysia, što sieparatysty i ciapier, paśla žudasnaj katastrofy samalota MH17, nie vykonvajuć fundamientalnych praviłaŭ cyvilizavanaha śvietu. Heta šakavalna i aburalna adnačasova», — zajaviŭ Štajnmajer.
Pa słovach ministra, usio roŭna, byŭ pasažyrski samalot źbity naŭmysna ci vypadkova.
«Toj, chto ŭžyvaje takuju zbroju, uličvaje mahčymaść katastrofy, jakaja ciapier adbyłasia, i, vidavočna, bolš ni pierad čym nie spynicca»,- - skazaŭ ministr.
Razam z tym Štajnmajer uskładaje na Maskvu minimum častkovuju adkaznaść za trahiedyju va Uschodniaj Ukrainie, adznačaje infarmacyjnaje ahienctva Reuters.
«U lubym vypadku rasijskaje kiraŭnictva ŭ apošnija tydni nie zmahło paśpiachova ŭtrymać sieparatystaŭ ad ich niebiaśpiečnaj dziejnaści. Praniknieńnie zbroi (z Rasii na terytoryju Ukrainy) praciahvałasia», — kanstatavaŭ jon.
Akramia taho, ministr zamiežnych spraŭ FRH nazvaŭ «usio bolš niespaścižnym» toj fakt, što ludzi z rasijskimi pašpartami «u Krymie, Słaviansku i ciapier u Daniecku usio hetak ža mohuć rabić svaje» čornyja spravy «, a ŭrad u Maskvie ich nie spyniaje.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary