Muzyka i kampazitar Andrej Makarevič u aŭtorak, 12 žniŭnia, pabyvaje ŭ Słaviansku, Siamionaŭcy i Śviatahorsku (Danieckaja vobłaść Ukrainy), paviedamlaje «Interfaks-Ukraina» sa spasyłkaj na paviedamleńnie fondu vałancioraŭ Cimafieja Nahornaha.
Jak udakładnili ŭ fondzie, muzykant «akaža humanitarnuju dapamohu ludziam, jakija pakinuli miescy bajavych dziejańniaŭ, i vystupić pierad dziećmi i pierasialencami Danbasa, jakija znachodziacca ŭ Śviatahorsku ŭ abłasnym dziciača-maładziožnym sanatorna-azdaraŭlenčym kompleksie «Pierlina Danieččyny»».
Z Makarevičam buduć vystupać ŭkrainskija śpievaki.
Pres-sakratar muzykanta Anton Černin paćvierdziŭ jaho płany vystupić u aŭtorku ŭ Śviatahorsku. «Moža, u Słaviansk zajeduć pa darozie — ale nie fakt», - dadaŭ jon. Pa słovach Černina, «heta realny łahier biežancaŭ, tam śpiecyjalna scenu niejkuju źbivajuć».
Kamientary