U Minsku projdzie sustreča kiraŭnikoŭ Ukrainy, Biełarusi, Kazachstana i Rasii, a taksama vysokich pradstaŭnikoŭ ES.
Ad ES u sustrečy kiraŭnikoŭ krain Mytnaha sajuza (MS) z prezidentam Ukrainy Piatrom Parašenkam buduć udzielničać viarchoŭny pradstaŭnik pa pytańniach zamiežnaj palityki i palityki biaśpieki Ketryn Eštan, vice-prezident pa pytańniach enierhietyki Hiunter Etynhier i jeŭrakamisar pa pytańniach handlu Karł de Hiucht, paviedamiŭ prezident Jeŭrakamisii Žaze Manueł Barozu Piatru Parašenka padčas telefonnych razmoŭ, paviedamlajecca na sajcie kiraŭnika ŭkrainskaj dziaržavy.
Pierad hetym kiraŭnik Biełarusi Alaksandr Łukašenka zajaviŭ ab svajoj hatoŭnaści, a taksama pra hatoŭnaść prezidentaŭ Rasii i Kazachstana Uładzimira Pucina i Nursułtana Nazarbajeva pravieści sustreču z ukrainskim prezidentam. Udzieł jeŭračynoŭnikaŭ u sustrečy ŭ Minsku inicyjavaŭ Piatro Parašenka. Miarkujecca, što na sustrečy kiraŭniki krain MS, Parašenka i pradstaŭniki ES abmiarkujuć pytańni pa implemientacyi Pahadnieńnia ab asacyjacyi Ukrainy i ES, enierhietyčnaj biaśpieki i stabilizacyi situacyi na Danbasie. Taksama ŭ paviedamleńni havorycca, što Žaze Manueł Barozu zaklikaŭ ułady Ukrainy rasśledavać incydent z rasstrełam kałony biežancaŭ u Łuhanskaj vobłaści, i nahadaŭ pra nieabchodnaść abarony cyvilnaha nasielnictva. Taksama paviedamlajecca, što Parašenka pryniaŭ zaprašeńnie prezidenta Jeŭrapiejskaha savieta Hiermana Van Rompieja i prezidenta Jeŭrapiejskaj kamisii Žaze Manueła Barozu naviedać z rabočym vizitam Brusel 30 žniŭnia, piša UNIAN.
Jak paviedamlaje BiełaPAN, pres-sakratar MZS Biełarusi Dźmitryj Mirončyk paćvierdziŭ infarmacyju pra sustreču kiraŭnikoŭ Ukrainy, krain MS i pradstaŭnikoŭ Jeŭrasajuza ŭ Minsku.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary