30 žniŭnia kiraŭnik dziaržavy adznačyŭ 60-hodździe. Ale dziaržsłužačyja nie majuć prava na piensiju, pakul pracujuć.
U Biełarusi dla mužčyn 60 hadoŭ — heta ŭzrost vychadu na piensiju. Ale akazvajecca, što Alaksandr Łukašenka choć i dasiahnuŭ piensijnaha vieku, ale nie zmoža skarystacca ŭsimi vyhodami.
«U dziaržsłužačych piensija naličvajecca za vysłuhu hadoŭ, — patłumačyli «Našaj Nivie» ŭ adnym z upraŭleńniaŭ sacyjalnaj abarony nasielnictva. — Jany pavinny adpracavać na dziaržaŭnaj pasadzie nie mienš za 20 hadoŭ śpiecyjalnaha stažu i nie mienš za 2 hady paśla 1 sakavika 1994. Kali stažu 20 hadoŭ niama, prava vychadu na piensiju pa vysłuzie hadoŭ dziaržsłužačy nie maje».
Alaksandr Łukašenka zastupiŭ na dziaržsłužbu ŭ lipieni 1994-ha, kali byŭ abrany pieršym prezidentam Biełarusi. I sioleta ŭ jaho jość usie padstavy, kab adyści ad spraŭ, atrymlivać vysokuju piensiju dziaržsłužačaha, a nie šarahoŭca, i ni pra što nie dbać.
Ale pakul jon budzie zastavacca na dziaržpasadzie, piensiju atrymlivać nie moža. I žyć budzie tolki na zarobak.
U adroźnieńnie ad piensijanieraŭ, jakija pracujuć u inšych śfierach: jany akramia poŭnaha zarobku atrymlivajuć i piensiju pa abmiežavanym kaeficyjencie.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary