Pieršy mižnarodny sudnachodny fiestyval rańniesiaredniaviečnaj kultury «Z varah u hreki» projdzie ŭ Hrodzienskaj vobłaści 21-27 vieraśnia. Jaho šlach pralaža pa Niomanie ź Biarozaŭki praz Masty ŭ Hrodna. U kožnym horadzie budzie zroblena «Vialikaja stajanka» varažskaha łahiera ŭ jakaści žyvoj vystavy rańniesiaredniaviečnaha pobytu.
Tematykaj fiestyvalu «Z varah u hreki 2014» źjaŭlajecca adnaŭleńnie ŭ maksimalna poŭnym abjomie sudnachodnaha ładu narodaŭ rańniesiaredniaviečnaha pieryjadu IX - XI stst. («Epocha vikinhaŭ»). Asablivaściu mierapryjemstva źjaŭlajecca adsutnaść pryviazki da adnoj miascovaści, h.zn. dadzienaje mierapryjemstva ŭjaŭlaje saboj histaryčnaść čaŭnovuju ekśpiedycyju z prypynkami varažskaha fłota ŭ prybiarežnych nasielenych punktach.
Biełaruskaja kamanda pradstavić hledačam karabiel «Jaćviah», budaŭnictva jakoha zaviaršajecca. Jon ujaŭlaje saboj małuju bajavuju ładździu, rekanstrukcyju narviežskaha karabla vikinhaŭ Ch stahodździa «Hokstad» ŭ 14-mietrovym vykanańni. Na «Jaćviahu» ŭ płavańnie adpravicca zbornaja kamanda z 15 čałaviek, jaje ŭznačalić pradstaŭnik bresckaha vajskova-histaryčnaha kłuba «Paŭnočny dzik». Arhanizatary abmiarkoŭvajuć udzieł jašče jak minimum dvuch karabloŭ z Rasii i Ukrainy.
«Vialikija stajanki» «Z varah u hreki 2014» paznajomiać naviednikaŭ z kulturaj uschodnich słavianaŭ, bałtaŭ i skandynaŭskich vikinhaŭ. Płanujecca ładzić kirmašy, voinskija spabornictva družyńnikaŭ, majstar-kłasy, fajer-šou. U varažskich łahierach budzie hučać žyvaja siaredniaviečnaja muzyka: zapłanavany ŭdzieł minskaj fołk-hrupy Hard Wood (u Biarozaŭcy) i ŭkrainskaj Spiritual Seasons (u Hrodnie). Padčas stajanak budzie arhanizavanp strelbišča, dzie hledačy zmohuć ubačyć i vyprabavać kidalnuju zbroju vikinhaŭ i słavianaŭ. Fiestyval zadumany jak štohadovaje mižnarodnaje mierapryjemstva, jakoje, u svaju čarhu, kožny hod budzie arhanizoŭvacca na roznych sudnachodnych šlachach taho času, tym samym adradžajučy lehiendarny šlach «z varahaŭ u hreki», u tym liku i mahčymyja jaho adhalinavańni.
Sioleta fłot fiestyvalu pačnie svajo padarožža 21 vieraśnia z horada Biarozaŭka, dzie «Vialikaja stajanka» i budzie adkryta dla naviednikaŭ uvieś dzień. Druhi «Vialiki stajankaj» fiestyvalu źjaŭlajecca horad Masty, kudy 24 vieraśnia varažski fłot prybudzie ŭ pieršaj pałovie dnia. Zaklučnaj «Vialikaj stajankaj» fiestyvalu źjaŭlajecca Hrodna. Fłot udzielnikaŭ pachodu prybudzie da miesca stajanki 27 vieraśnia, i ŭvieś dzień budzie adkryty dla naviednikaŭ.
Kamientary