U Rasonskim rajonie mužčyna pajechaŭ na šašłyki i zanadta zachapiŭsia ałkaholem
U kancy žniŭnia ŭ adnoj ź viosak Rasonskaha rajona sabrałasia kampanija, kab adpačyć z vypiŭkaj i šašłykami. Dla adnaho ź jaje ŭdzielnikaŭ adpačynak skončyŭsia trahična.
U peŭny momant kampanija vyjšła na vulicu pakuryć, a ŭ domie zastaŭsia tolki adzin čałaviek, jaki mieŭ schilnaść da praźmiernaha ŭžyvańnia ałkaholu.
Prykładna praz 20-30 chvilin usie viarnulisia da stała i vyjavili, što ichni tavaryš nie padaje prykmiet žyćcia. Siabry sprabavali rabić jamu niepramy masaž serca, ale heta nie dapamahło. Pryjechaŭšy na miesca, miedyki kanstatavali śmierć.
Paźniej ekśpiertyza pakazała, što kancentracyja ałkaholu ŭ kryvi pamierłaha skłała 4,5 pramile — śmiarotnaja doza. Śmierć mužčyny nastupiła ad vostraha atručeńnia ałkaholem.
Miarkujecca, što ŭ toj čas, pakul kampanija była na vulicy, mužčyna praciahnuŭ spažyvać ałkahol i vypiŭ zanadta šmat. Heta pryviało da intaksikacyi arhanizma i śmierci.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu26
Kamientary