Novyja sankcyi suprać Rasii buduć apublikavanyja da kanca tydnia.
Pra heta paviedamiŭ śpikier premjer-ministra Vialikabrytanii, piša Reuters.
Pavodle jaho słoŭ, jeŭrapiejskija lidary razmaŭlali ranicaj ŭ čaćvier i damovilisia ŭvieści pakiet sankcyj suprać Rasii ŭ kancy tydnia.
«Siońnia ranicaj premjer-ministr pravioŭ telefonnuju razmovu ź jeŭrapiejskimi lidarami, u pryvatnaści prezidentam Jeŭrapiejskaha savieta Hiermanam Van Rampiejem, kancleram Mierkiel, prezidentam Ałandam i premjer-ministram Renca», — skazaŭ śpikier Kemierana.
«Jany abmiarkoŭvali temu sankcyj u dačynieńni da Rasii ŭ kantekście Ukrainy i pačatak realizacyi pakieta sankcyj, jaki byŭ uzhodnieny ŭ pačatku tydnia», — adznačyŭ jon.
«Jeŭrapiejskija lidery dasiahnuli zhody, što sankcyi pavinny być apublikavanyja da kanca tydnia», — skazaŭ śpikier.
«Uzmacnieńnie sankcyj pracuje i tamu nadzvyčaj važna, kab hetyja sankcyi byli implemientavanaja», — adznačyŭ jon.
Jak viadoma, sankcyi ŭstupajuć u siłu paśla ich publikacyi ŭ aficyjnym časopisie Jeŭrapiejskaha Sajuza.
Nahadajem, 10 vieraśnia ministr zamiežnych spraŭ Italii i novaabrany vysoki pradstaŭnik ES pa źniešniaj palitycy i biaśpiecy Frederyka Mahieryni zajaviła, što z sankcyjami suprać Rasii treba pačakać.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać3
Kamientary