Vośmy kanał pakazaŭ učora hutarku z Hienadziem Buraŭkinym, zapisanuju ŭ 2000 h. U joj paet krytykuje tahačasnych supracoŭnikaŭ i palitahladalnikaŭ BT, a taksama kaža pra nastupstvy mahčymaj straty niezaležnaści.
Vośmy kanał pakazaŭ učora hutarku z Hienadziem Buraŭkinym, zapisanuju ŭ 2000 h. U joj paet krytykuje tahačasnych supracoŭnikaŭ i palitahladalnikaŭ BT, a taksama kaža pra nastupstvy mahčymaj straty niezaležnaści.
«Ja pryjemna ździŭleny — z adnaho boku mnie nie zrazumiełyja matyvy kanału, što pakazaŭ hetuju pieradaču ciapier, z druhoha boku pryjemna, što jaje pabačyli ludzi» — raspavioŭ Hienadź Buraŭkin.
Jon nia bačyŭ učora hetaj pieradačy i pačuŭ pra jaje ad znajomych. Pieradača była zapisanaja žurnalistam Aleham Biełavusavym u 2000 h. u ramkach cykłu pieradačaŭ, pryśviečanych viadomym u Biełarusi asobam. Na adnu z takich pieradačaŭ zaprasili i Hienadzia Buraŭkina.
«Ja ŭžo dakładna nia pamiataju na jakija pytańni adkazvaŭ, ale pryhadvaju, što krytykavaŭ pradukt dziejnaści tahačasnych supracoŭnikaŭ BT. Jak baču, uzrovień i skiravanaść ich pracy ani palepšyŭsia, a temy, ŭźniatyja ŭ toj prahramie, aktualnyja i siońnia. Źmianiŭsia tolki status hetych ludziej — Zimoŭskaha, Azaronka dy inšych» — kaža sp. Buraŭkin.
U toj pieradačy jon taksama pieraścierahaŭ pra nastupstvy nieabdumanych stasunkaŭ z Rasiejaj — u vypadku aneksii Biełaruś moža stracić miesca ŭ AAN. Na jaho dumku, zaležnaść ad Rasiei za hety čas nia źmienšyłasia.
Ciapier čytajuć
Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier13
Kamientary