Jeŭrapiejski humanitarny ŭniviersitet (EHU) pradstaŭlaje knihu «Hołas voli z-za krataŭ: Antałohija tvoraŭ biełaruskich palitźniavolenych» (układalnik i redaktar – vykładčyk EHU palitołah d-r Alaksandr Fiaduta).
Prezientacyja knihi d-ra Fiaduty (jaki sam taksama byŭ źniavoleny pa palityčnych matyvach) adbudziecca ŭ sieradu 29 kastryčnika a 17:00 u navučalnym korpusie EHU (Vilnia, Valakupių 5, aŭd. 213), paviedamlaje pres-słužba ŭniviersiteta.
Antałohija «Hołas voli z-za krataŭ» utrymlivaje vieršy, uspaminy, dziońnikavyja zapisy, apaviadańni i artykuły, jakija napisali hramadzianie Biełarusi, što zaznali abo praciahvajuć zaznavać palityčny pieraśled. Siarod aŭtaraŭ – viadomyja paety, žurnalisty, palityki, ale taksama i aŭtary, čyje tvory drukujucca ŭpieršyniu.
Aprača samoha A.Fiaduty, u prezientacyi voźmuć udzieł piać aŭtaraŭ knihi:
— Uładzimir Niaklajeŭ – paet, kandydat u prezidenty na vybarach 2010 hoda, fundatar adnoj sa stypiendyj EHU,
— Pavieł Šaramiet – žurnalist navinnaha partała belaruspartisan.org,
— Aleś Kirkievič – žurnalist z Horadni, były palitviazień,
— Źmicier Daškievič – lidar Maładoha Frontu, były palitviazień,
— Valancina Alinievič – maci palitźniavolenaha Ihara Alinieviča.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary