Hrupa demanstrantaŭ, jakija pratestavali suprać źniknieńnia hrupy studentaŭ u horadzie Ihuała, uviečary ŭ subotu pasprabavali ŭvarvacca ŭ Nacyjanalny pałac u Miechika.
Na centralnaj płoščy Sakała ŭdzielniki pratestaŭ pasprabavali vyłamać centralnuju bramubudynka, jaki vykarystoŭvajecca padčas aficyjnych cyrymonij z udziełam prezidenta, i padpalić jaje draŭlanuju častku. Aŭtamatyčnaja sistema pažaratušeńnia likvidavała ŭzharańnie.
Zatym udzielniki akcyi razmalavali častku ściany pałaca łozunhami. Znutry budynka na demanstrantaŭ lili vadu i vykarystoŭvali ślezaciečny haz.
Akramia taho, u subotu studenty i vykładčyki atakavali budynak urada štata Hierera ŭ horadzie Čylpansinha.
Udzielniki biesparadkaŭ, jakija patrabavali znajści źnikłych u Ihuale ludziej, prataranili varoty aŭtastajanki budynka z dapamohaj niekalkich zachoplenych mašyn. Niekalki mašyn byli spalenyja, inšyja znachodzilisia na stajancy aŭtamabili atrymali paškodžańni.
43 studenty, jakija prymali ŭdzieł u akcyjach pratestu, źnikli 26 vieraśnia paśla sutyknieńniaŭ z palicyjaj u Ihuale.
Vidavočcy paviedamili, što mnohich udzielnikaŭ akcyi zabrała palicyja. Padčas sutyknieńniaŭ byli zabityja šeść čałaviek, 17 atrymali ranieńni, 57 čałaviek prapali bieź viestak, 14 ź ich paźniej viarnulisia dadomu.
Napiaredadni prakuror krainy Chiesus Muryla Karamie zajaviŭ, što zatrymanyja pa spravie ab źniknieńni studentaŭ členy narkakartela «Hiereras Unidas» pryznalisia ŭ zabojstvie bolš za 40 maładych ludziej. Padazravanyja pryznalisia, što zabili studentaŭ i spalili ich cieły.
Pa viersii miekskanskich uładaŭ, studentaŭ vykrali palicejskija, jakija pieradali ich vierchavodam miascovych bandaŭ.
Palicejskija zajavili, što napad na studentaŭ «zamoviŭ» mer horada, jakomu nie padabałasia ich pratestnaja aktyŭnaść.
Mer Ihuały sprabavaŭ schavacca ad śledstva, ale ŭ aŭtorak byŭ zatrymany ŭ pryharadzie Miechika.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć39
Kamientary