«U chodzie kontrterarystyčnaj apieracyi ŭ Hroznym zahinuli 14 palicejskich, razhladajecca pytańnie ab pradstaŭleńni ich da dziaržaŭnych uznaharod»,
— cytuje pres-słužbu MUS RF ahienctva TASS.
U piatnicu ŭ ministerstvie adbyłasia kalehija, jakuju pravioŭ kiraŭnik MUS Uładzimir Kałakolcaŭ. Svoj vystup jon pačaŭ z taho, što adznačyŭ prafiesijanalizm, mužnaść i hieraizm supracoŭnikaŭ, jakija zahinuli pry vykanańni słužbovych abaviazkaŭ.
Raniej paviedamlałasia pra 10 zahinułych i 28 paranienych siłavikoŭ. Pa daručeńni kiraŭnika Čačni Ramzana Kadyrava ich siemjam budzie vydzielena pa 1 młn rubloŭ.
Jak paviedamili ŭ pres-słužbie kiraŭnika i ŭrada Čačni, 12 paranienych palicejskich dastaŭleny na lačeńnie ŭ Maskvu ŭ Hałoŭny kliničny špital MUS Rasii. U subotu, 6 śniežnia, u Maskvu budzie nakiravany jašče adzin bort z paranienymi siłavikami.
4 śniežnia hrupa bajevikoŭ na troch aŭtamabilach napała na post DPS ŭ Hroznym. Zatym jany pranikli ŭ Dom druku, dzie raźmiaščajucca respublikanskija haziety, internet-vydańni i pradstaŭnictva fiederalnych ŚMI, i škołu. Budynki byli zabłakavanyja siłavikami.
Kolkaść zabitych bajevikoŭ pavialičyłasia da 10.
Kamientary