Viadomy aktor Hit Ledžer (Heath Ledger;) znojdzieny miortvym u svajoj kvatery ŭ Ńju‑Jorku. U palicyi nie vyklučajuć, što śmierć aktora moža być źviazanaja ź pieradaziroŭkaj lekami.
Viadomy aktor Hit Ledžer (Heath Ledger) znojdzieny miortvym u svajoj kvatery ŭ Ńju‑Jorku.
U palicyi nie vyklučajuć, što śmierć aktora moža być źviazanaja ź pieradaziroŭkaj lekami.
Cieła 28‑hadovaha aktora znajšła ŭ jahonaj kvatery na Manhetanie pakajoŭka. Pobač ź ciełam byli paraskidanyja medyčnyja preparaty, pieravažna tabletki snatvornaha, paviedamlajuć u ńju‑iorskaj palicyi. Pieradaziroŭku snatvornaha ciapier nazyvajuć asnoŭnaj versijaj śmierci. Jakich‑kolviek inšych detalaŭ śledztva nie paviedamlaje. U presie taksama źviartajuć uvahu na toje, što apošnim časam u asabistym žyćci Hita Ledžera nia ŭsio ładziłasia — uvosień jon rasstaŭsia z svajoj siabroŭkaj, aktrysaj Mišel Uiljams.
Narodžany ŭ Aŭstralii ŭ 1979-m, Hit Ledžer pačaŭ zdymacca, kali jašče byŭ padletkam. Adnoj ź pieršych viadomych jahonych rabot stała rol u filmie «Patryjot», dzie jon hraŭ razam ź jašče adnym znakamitym aŭstralijcam — Mełam Hibsanam. Za adnu z hałoŭnych rolaŭ u filmie «Harbataja hara» Hita Ledžera naminavali na premiju «Oskar».
Apošniaj pracaj aktora stała rola Džokiera ŭ filmie «Ciomny rycar», jaki musić vyjści na ekrany hetym letam.
Na zdymkach — vobrazy, stvoranyja Hitam Ledžeram u šyroka viadomych mastackich filmach.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary