«Dziaržava stvaryła ŭmovy dla narmalnaj raboty ŭ Biełarusi ŭsich kanfiesij», — zajaviŭ siońnia Alaksandar Łukašenka i ŭchvaliŭ stvareńnie pravasłaŭnaha radyjo.
Kiraŭnik dziaržavy Alaksandr Łukašenka ličyć mahčymym stvareńnie ŭ Biełarusi pravasłaŭnaj radyjostancyi. Ab hetym jon zajaviŭ siońnia na sustrečy z členami Sinoda Biełaruskaj pravasłaŭnaj carkvy.
Z takoj prapanovaj da kiraŭnika dziaržavy źviarnuŭsia Mitrapalit Minski i Słucki Fiłaret, Patryjaršy Ekzarch usiaje Biełarusi.Pavodle jaho słoŭ, tele- i radyjoprahramy na relihijnyja temy časta vychodziać u efir u čas, niazručny dla hledačoŭ i słuchačoŭ.
Vialikuju zakłapočanaść Biełaruskaj pravasłaŭnaj carkvy vyklikaje taksama raspaŭsiudžvańnie ŭ ŚMI, u tym liku i praź Internet, rekłamy łženavuk i roznych akultnych pasłuh, dziejnaści astrołahaŭ, ekstrasensaŭ, varažbitak.
Uładyka Fiłaret padkreśliŭ, što carkva zaniepakojena masavymi abortami, što ŭ svaju čarhu źjaŭlajecca hałoŭnaj pahrozaj demahrafičnaj biaśpiecy. "Abvastreńnie demahrafičnaj prablemy ŭ mnohim adbyvajecca z-za padmieny tradycyjnych maralnych i relihijnych kaštoŭnaściej, što pryvodzić da dehradacyi cełych pakaleńniaŭ", - skazaŭ jon.
Biełaruskaja pravasłaŭnaja carkva vystupiła ź inicyjatyvaj stvareńnia hramadskaha savieta pa maralnaści, kudy ŭvajšli b pradstaŭniki carkvy, dziejačy kultury i navuki. Jak adznačyŭ prezident, stvareńnie takoha savieta ŭ krainie stała b nie tolki pryznańniem prablem u hetaj halinie, ale i ŭ pieršuju čarhu dziejsnym krokam u ich vyrašeńni.
Zaniepakojenaść viernikaŭ vyklikaje i ŭviadzieńnie ŭ respublicy rehistra ŭliku nasielnictva, bijamietryčnaj sistemy kantrolu. Pavodle słoŭ mitrapalita, ludzi nie ŭpeŭnieny, što buduć abaronieny ad niezakonnaha ŭmiašańnia i kantrolu za ich asabistym žyćciom, dastatkovaj abaronienaściu takoj infarmacyi ad jaje procipraŭnaha vykarystańnia.
Uładyka Fiłaret taksama vykazaŭsia za stvareńnie miemaryjała na Minskich brackich mohiłkach, jaki ŭšanavaŭ by pamiać pravasłaŭnych abaroncaŭ Ajčyny, u pryvatnaści voinaŭ Pieršaj suśvietnaj vajny.
Kamientary