Pra heta paviedamiŭ siońnia, adkazvajučy na pytańni pradstaŭnikoŭ Moładzievaj pałaty pry Minskim harsaviecie na kruhłym stale «Adukacyja Respubliki Biełaruś: tradycyi i budučyniu», ministr adukacyi Michaił Žuraŭkoŭ.
Pa słovach Michaiła Žuraŭkova, ciapier (hetym letam) havorka nie idzie ab uviadzieńni ekzamienaŭ dla pastupleńnia ŭ 10-y kłas.
«Mahčyma, da konkursu pry pastupleńni ŭ 10-y kłas Biełaruś pryjdzie praz 5 hadoŭ. A ŭvodzić jaho ciapier niespraviadliva, bo praviły hulni treba ahavorvać zahadzia», — adznačyŭ Michaił Žuraŭkoŭ. Jon dadaŭ, što ekśpierymient pa ŭviadzieńni profilnych kłasaŭ pakazaŭ dobryja vyniki, ale pra paŭsiudnaje ŭžyvańnie hetaj madeli jašče rana kazać.
U 2015—2016 navučalnym hodzie ŭ profilnyja kłasy navučencaŭ buduć prymać, jak i ŭ minułym hodzie, pa žadańni.
«Za nastupnyja čatyry hady pastarajemsia udaskanalić sistemu, padrychtavać dziaciej i ich baćkoŭ i pastupova pryjdziem da taho, što ŭ 10-y kłas pa vyznačanym kirunku vučań zmoža trapić tolki ŭ tym vypadku, kali ŭ atestacie za 9-y kłas budzie mieć adznaku pa profilnym pradmiecie nie nižej za 7 bałaŭ», — skazaŭ ministr.
A voś pracy pa prafaryjentacyi i hutarak ab budučaj śpiecyjalizacyi ŭ škołach i himnazijach stanie bolš. «Hutarki z padletkami na pradmiet metazhodnaści ich pierachodu ŭ 10-y kłas pavinny pravodzić baćki. Dy i sam školnik da zakančeńnia bazavaj škoły pavinien budzie razumieć: u profilnym kłasie pryjdziecca vyvučać peŭnyja pradmiety na pahłyblenym uzroŭni», - padkreśliŭ ministr.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary