Reuters.com
Papa Francišak nazvaŭ masavaje zabojstva armian u Asmanskaj impieryi «pieršym hienacydam XX stahodździa».
Heta było skazana padčas armianskaj liturhii ŭ Sabory Sv. Piatra ŭ Rymie ŭ pamiać 100-hodździa z pačatku masavaha vyniščeńnia armian u Asmanskaj impieryi padčas Pieršaj suśvietnaj vajny.
«Utojvańnie abo admaŭleńnie zła padobna ściakajučaj kryvioj rany, jakuju nie zabintavali», - skazaŭ Papa.
Turcyja nie pryznaje heta hienacydam i ŭžo vystaŭlała rezki pratest dva hady tamu, kali Papa ŭpieršyniu užyŭ hety termin u adnosinach da padziejaŭ 1915 hoda.
U chodzie niadzielnaj liturhii Papa skazaŭ, što na praciahu minułaha stahodździa čałaviectva pieražyło try «vielizarnyja i biesprecedentnyja trahiedyi».
«Achviaraj pieršaj — jakuju mnohija ličać pieršym hienacydam XX stahodździa — staŭ armianski narod», — skazaŭ papa Francišak, dadaŭšy, što za hetym paśledavali złačynstvy nacyzmu i stalinizmu, a taksama hienacyd u Kambodžy, Ruandzie, Burundzi i Bośnii.
Pa słovach pantyfika, jon ličyć svaim abaviazkam ušanavać pamiać «biaźlitasna zabitych» ni ŭ čym nie vinavatych mužčyn, žančyn i dziaciej, śviataroŭ i jepiskapaŭ.
Armienija adznačaje 24 krasavika jak Dzień pamiaci achviaraŭ hienacydu armian. U hety dzień u 1915 hodzie ŭ Stambule byli aryštavanyja sotni pradstaŭnikoŭ armianskaj intelihiencyi.
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary