Jak paviedamlajecca na sajcie UUS Minskaha abłvykankama, žychar adnoj ź viosak u Vałožynskim rajonie 1959 hoda naradžeńnia pieryjadyčna vyklikaŭ milicyju, adnak nivodnaja ź jaho zajaŭ nie paćvierdziłasia. Tolki za apošnija dva hady ŭ Vałožynskim RAUS zarehistravana bolš za 70 zvankoŭ mužčyny nie pa spravie.
U studzieni biahučaha hoda jon u čarhovy raz patelefanavaŭ u milicyju i paviedamiŭ pra toje, što jamu pahražała susiedka. U viosku vyjechaŭ učastkovy, adnak, mužčyna nie adčyniŭ jamu dźviery, a patelefanavaŭ u dziažurnuju častku RAUS. Jon zajaviŭ, što ŭčastkovy dastaŭ pistalet i streliŭ u jaho, ale nie trapiŭ, bo jamu ŭdałosia uchilicca ad kuli.
Pravodziŭsia šerah ekśpiertyz. Vyniki pakazali, što sa zbroi ŭ toj dzień nie stralali, śladoŭ porachu na rukach supracoŭnika taksama nie było vyjaŭlena.
U suviazi z hetym u dačynieńni da viaskoŭca i była raspačataja kryminalnaja sprava. Jamu pahražaje da piaci hadoŭ pazbaŭleńnia voli. Ciapier mužčyna prachodzić sudova-psichijatryčnuju ekśpiertyzu. Raniej jon sudzimy nie byŭ, złoŭžyvaje śpirtnym.
Kamientary