Łukašenka dazvoliŭ słaŭharadskamu BNFaŭcu nie płacić padatak na aŭto
Padčas vizita Alaksandra Łukašenki ŭ Słaŭharad (Mahiloŭskaja vobłaść) słova ŭziaŭ miascovy nacyjanalny aktyvist, invalid vajny Fieliks Škirmankoŭ.
— Pryniaty darožny zakon. Invalidaŭ vajny na ŭsioj Biełarusi 3 tysiačy — jość takaja statystyka. Z hetych troch tysiač ci nabiarecca 20-30 čałaviek, jakija majuć pravy kiravańnia aŭtamabilem? — zapytaŭsia jon.
— Karaciej, vyzvalić ad darožnaha nałohu? — pasprabavaŭ pa-biełarusku adkazać Łukašenka.
— Dy heta ž śmiešna! — zavioŭsia Škirmankoŭ. — Nu što…
Łukašenka pad śmiech prysutnych pierabiŭ jaho, i niekalki siekund surazmoŭcy niešta kazali choram.
— Nu damovilisia, damovilisia, — narešcie skazaŭ Łukašenka.
— Damovilisia? — pierapytaŭ vieteran.
— Damovilisia! — zapeŭniŭ kiraŭnik dziaržavy.
Fieliks Škirmankoŭ naradziŭsia ŭ 1926 hodzie ŭ Prapojsku, ciapierašnim Słaŭharadzie. Jon veteran vajny, siabar Partyi BNF i TBM. Jašče ŭ 2005 hodzie jon byŭ najstarejšym delehatam Kanhresu demakratyčnych siłaŭ Biełarusi.
Kamientary