Hrošy skončylisia. Biełarusy ŭ krasaviku zdali rekordnuju kolkaść valuty
Treci miesiac biełarusy zastajucca čystymi pradaŭcami najaŭnaj valuty, pavialičvajučy abjomy zdačy. Pavodle źviestak Nacbanka, u krasaviku biełarusy pradali najaŭnaj valuty na 269,9 młn dalaraŭ bolš, čym kupili, pierakryŭšy sakavicki rekord (243,8 młn).
Valutu hramadzianie zdajuć na fonie źnižeńnia realnaj zarpłaty i rostu kolkaści tych, chto pracuje ŭ režymie niapoŭnaj zaniataści.
Pavodle Nacbanka, u krasaviku hramadzianie źnizili kuplu najaŭnaj valuty na 10,4% u paraŭnańni ź lutym da 372,4 młn dalaraŭ. Paśla ažyjatažnaha śniežnia, kali hramadzianie skupili 892,8 młn dalaraŭ najaŭnymi, abjomy kupli rezka ŭpali.
Ekśpierty adznačajuć, što paśla valutnaha ažyjatažu kanca 2014 hoda i pastupovaha adpuskańnia kursa rubla realnyja dachody nasielnictva źnizilisia. Realny zarobak, h.zn zarobak, raźličany z ulikam rostu spažyvieckich cen na tavary i pasłuhi, u studzieni-sakaviku pamienšyłasia na 3,1% da anałahičnaha pieryjadu minułaha hoda.
Z ulikam bieznajaŭnaj prodažu valuty nasielnictva taksama zastajecca čystym pradaŭcom. U studzieni-krasaviku hramadzianie pradali 2,337 młrd dalaraŭ, kupili — 1,807 młrd.
Salda kupli-prodažu valuty biełaruskimi subjektami haspadarańnia za čatyry miesiacy akazałasia taksama admoŭnym. Rezidenty kupili 5,852 młrd dalaraŭ, pradali — 6,025 młrd.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary