8 lutaha ŭ kinateatry «1 maja» bieraściejskija prychilniki rehi i Boba Marli trybjut-kancertam adznačyli dzień naradžeńnia pačynalnika rehi‑kultury ŭ śviecie. Kancert sabraŭ poŭnuju zalu hledačoŭ
8 lutaha ŭ kinateatry «1 maja» bieraściejskija prychilniki rehi i Boba Marli adznačyli dzień naradžeńnia pačynalnika rehi‑kultury ŭ śviecie. Kancert, jaki sabraŭ poŭnuju zalu hledačoŭ, pačaŭ «DałajŁama Bend». Jak zaznačyli chłopcy, jany nia hrajuć soniečnuju muzyku rehi, ale ž vielmi lubiać jaje i pavažajuć Boba Marli. Múzyka tryjo z basetlaj (kantrabasam), flejtaj i barabanam nahadvała chutčej uschodnija matyvy, z krychu afrykanskim adcieńniem, ale ž spadabałasia hledačam, ab čym śviedčyła praniknionaja cišynia padčas hučańnia muzyki i haračyja apladysmenty paśla jaje skančeńnia.
Dziakujučy tamu, što kancert prachodziŭ ŭ pamiaškańni kinateatra, hledačam, z dapamohaj vialikaha ekrana, na jakim źjaviłasia postać Boba Marli nahadali, ź jakoj nahody jany siudy pryjšli. Nastupnym byŭ bieraściejski hurt ci lepš skazać rehi‑ansambal «Rastienije mudrosti», jaki składajecca ź lepšych maładych muzykaŭ Bieraścia (miž inšym, tudy ŭvajšli bubnač i vakalist hurta «Ściana»). «Rastienije mudrosti» prademanstravaŭ jaskravy rehi, hučali jak ułasnyja pieśni, tak i kavery na Boba Marli i tvory z darobku rasiejskaha kultavaha hurta «Dža Divižn». Nie vypadkova, što pad rastamanskija huki ŭsie ŭdzielniki kancertu, jak muzyki, tak i słuchačy pačali pavolna ruchacca, usprymajučy pazytyŭnuju vibracyju ad muzyki rehi.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary