Biłbordy navučylisia zalacacca da žančyn i chavacca ad palicyi
Z žančynami stasujucca ŭ Hiermanii, ad palicyi chavajucca ŭ Rasii.
Rekłama ciapier budzie hladzieć u tvar svaim patencyjnym achviaram: u dvuch miescach niezaležna raspracoŭščyki biłbordaŭ užyli technałohiju raspaznavańnia tvaraŭ.
Niamieckaje rekłamnaje ahienctva Philipp und Keuntje ustalavała na vulicy biłbord, jaki reahuje tolki na žančyn. Jak tolki ŭ pole zroku kamiery na biłbordzie traplaje čałaviek, jakoha prahrama raspaznaje jak žančynu, na ekranie źjaŭlajecca komik Ukie Bose, jaki zrobić usio, kab pryvabić dziaŭčynu.
Žančynam pakazvajecca adzin ź siami dziasiatkaŭ rolikaŭ na ŭsie vypadki (prahrama moža acanić i ŭzrost) — usio kab prarekłamavać piva Astra. Mužčyn rekłama ihnaruje, jany ŭ Hiermanii i tak lubiać piva.
U rasijskaj rekłamy procilehłaja zadača — nie pakazacca, a schavacca.
Z časoŭ uviadzieńnia sankcyj «suprać» Jeŭropy rasijanie zastalisia biez mnohich zamiežnych praduktaŭ (niekatoryja sankcyi ŭžo skasavali). Hetaja prablema začapiła ŭładalnika «Don Giulio Salumeria», kramy italjanskaj ježy ŭ Maskvie.
Kab pakazać ludziam, što ŭ Rasii ŭsio jašče možna zdabyć zamiežnyja pradukty (nahadajem, vas prasili nie śmiajacca ź biełaruskich krevietak), jon vystaviŭ na vulicy biłbord. A kab palicyja da jaho pamieniej čaplałasia, u biłbordzie ŭstalavali kamieru, što raspaznaje palicejskuju formu (dla čaho była madyfikavanaja prahrama raspaznavańnia tvaraŭ). Jak tolki da biłborda padychodzić palicyjant, rekłama italijskaj ježy mianiajecca na rekłamu kramy matrošak.
Hladzicie taksama: Strachavaja kampanija pradstaviła rekłamu, jakuju niemahčyma prapuścić
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Kamientary