Statystyka demanstruje dziŭnyja niesupadzieńni.
Z žniŭnia 2014 hoda ŭ Rasii dziejničaje zabarona na impart charčavańnia ź Jeŭrasajuza, ZŠA, Kanady, Aŭstralii i Narviehii. U «čorny śpis» patrapili miasnyja i małočnyja pradukty, ryba, harodnina i sadavina. Pa acenkach ekśpiertaŭ, ahulny hadavy abjom impartu, jaki trapiŭ pad sankcyi, składaje $9 miljardaŭ.
Rasija nie moža svaimi siłami zadavolić unutrany popyt na charčavańnie, tamu miascovyja pradaŭcy šukajuć šlachi abychodu embarha. I biełarusy hatovyja im u hetym dapamahčy.
Błohier iva-dim znajšoŭ cikavyja niesupadzieńni, paraŭnaŭšy dadzienyja biełaruskaj statystyki i našych handlovych partnioraŭ.
Voźmiem jabłyki. U 2013 hodzie Biełaruś impartavała 181 tysiač ton hetaha tavaru. A letaś apietyty «raptoŭna» vyraśli. Impart jabłykaŭ pavialičyŭsia da 415 tysiač ton.
Asnoŭnymi pastaŭščykami impartnych jabłykaŭ dla Biełarusi tradycyjna byli palaki, ale ichniaja pradukcyja stała dla Rasii zabaronienaj. Zatoje jabłyki z krainaŭ za miežami Jeŭrasajuza rasiejcy hatovyja kuplać nieabmiežavana. Biełaruskija pastaŭščyki adreahavali imhnienna.
Pavodle dadzienych Biełstata, było nabyta jabłykaŭ z Sierbii na $14,4 miljona. Voś tolki tamtejšaja statystyka naličyła pastavak tolki na $1,4 miljona.
Padobnaja situacyja z Čyli. Biełarusy zakupili tam miascovych jabłykaŭ na $9,1 miljona, voś tolki čylijcy… nie pradavali ich u našu krainu.
Makiedonija — taksama vyhadny varyjant. Da 2014 hoda jabłyki z hetaj krainy nie pastaŭlalisia ŭ Biełaruś, zatoje letaś pryjechała pradukcyi ažno na $6,4 miljona. Ale makiedonskaja statystyka pra heta nie zdahadvajecca.
Rasiejcy vykarystoŭvajuć pieravahi krain za miežami Jeŭrasajuza i naŭprost, bieź biełaruskich pasiarednikaŭ. Z toj samaj Makiedonii vyjechała jabłykaŭ na $1,4 miljona, a pryjechała — na $4,1 miljona.
Rasija nibyta sprabuje abmiežavać dziŭnyja pastaŭki. Miesiac tamu Raśsielhasnahlad abmiežavaŭ impart jabłykaŭ z «dazvolenaj» Sierbii. «Pad vyhladam sierbskich jabłykaŭ kampanii masava zavoziać reekspartnyja frukty ź Jeŭrasajuza», — paskardzilisia čynoŭniki.
Adnak schiema praciahvaje pracavać. Prymityŭna, ale efiektyŭna.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary