Alaksandr Łukašenka 8 červienia padpisaŭ ukaz №235 «Ab sacyjalna-ekanamičnym raźvićci paŭdniova-ŭschodniaha rehijonu Mahiloŭskaj vobłaści». Ab hetym BiełTA paviedamili ŭ pres-słužbie biełaruskaha kiraŭnika.
Dakumient pryniaty ŭ metach ustojlivaha raźvićcia Klimavickaha, Kaściukovickaha, Krasnapolskaha, Kryčaŭskaha, Słaŭharadskaha, Chocimskaha i Čerykaŭskaha rajonaŭ. Dla hetaha ŭkaz praduhledžvaje stvareńnie nieabchodnych umoŭ i niekatorych prefierencyj. Tak, dla fizičnych asob dajecca lhota pa vypłacie padachodnaha padatku. Vyznačajecca staŭka ŭ pamiery 10% z dachodaŭ, atrymanych pa pracoŭnych damovach (kantraktach) ad arhanizacyj i indyvidualnych pradprymalnikaŭ, zarehistravanych na terytoryi paŭdniova-ŭschodniaha rehijonu Mahiloŭskaj vobłaści z 1 lipienia 2015 h. pa 31 śniežnia 2020 hoda, jakija zajmajucca tut vytvorčaściu tavaraŭ (vykanańniem rabot, akazańniem pasłuh) na praciahu 7 hadoŭ z pačatku takoj dziejnaści.
Dla najmalnikaŭ i kamiercyjnych arhanizacyj, zarehistravanych na terytoryi paŭdniova-ŭschodniaha rehijonu Mahiloŭskaj vobłaści z 1 lipienia 2015 h pa 31 śniežnia 2020 hoda, jakija na praciahu 7 hadoŭ zajmajucca tut vytvorčaściu tavaraŭ (vykanańniem rabot, akazańniem pasłuh), ukazam praduhledžany lhoty pa abaviazkovych strachavych uznosach pa strachavańni vypadkaŭ dasiahnieńnia piensijonnaha ŭzrostu, invalidnaści i straty karmiciela (piensijnaje strachavańnie) u biudžet dziaržaŭnaha pazabiudžetnaha fondu sacyjalnaj abarony nasielnictva. Takija strachavyja ŭznosy ukazam vyznačanyja ŭ pamiery 24%.
Hramadzianie Biełarusi, jakija buduć budavać (rekanstrujavać) abo nabyvać žyłyja pamiaškanni ŭ nasielenych punktach paŭdniova-ŭschodniaha rehijonu Mahiloŭskaj vobłaści, zmohuć atrymlivać na heta lhotnyja kredyty terminam da 20 hadoŭ pad 1% hadavych. Pry hetym nieabchodna ažyćciaŭlać pracoŭnuju dziejnaść na terytoryi rehijona nie mienš za 10 hadoŭ z momantu atrymańnia takich kredytaŭ.
Ukazam taksama praduhledžana, što Mahiloŭski abłasny Saviet deputataŭ da 1 žniŭnia 2015 hoda zaćvierdzić Prahramu sacyjalna-ekanamičnaha raźvićcia paŭdniova-ŭschodniaha rehijonu Mahiloŭskaj vobłaści na pieryjad da 2020 hoda, jakaja była raspracavana Mahiloŭskim abłvykankamam u metach vykanańnia daručeńnia kiraŭnika dziaržavy.
U prahramie zapłanavany mierapryjemstvy pa stvareńni novych i pavyšeńni efiektyŭnaści dziejnych vytvorčaściej va ŭsich halinach ekanomiki, u tym liku aryjentavanych na pierapracoŭku miascovych pryrodnych resursaŭ i sielskahaspadarčaj syraviny. Ahulny abjom finansavańnia mierapryjemstvaŭ prahramy składaje Br 2 trłn 520, 8 młrd.
Ukaz ustupaje ŭ siłu z 1 lipienia 2015 hoda.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary