«Niachaj ryjuć sabie padziemnyja chady i poŭzajuć pa ich»
Narod pra zabaronu Pralaskoŭskamu j Zimoŭskamu lacieć na Kubu praz Kanadu.
U čaćvier samalot premjera Biełarusi Siarhieja Sidorskaha palacieŭ na Kubu biez kiraŭnika Biełteleradyjokampanii Alaksandra Zimoŭskaha i prezydenckaha pamočnika Aleha Pralaskoŭskaha – ich proźviščy ŭklučanyja ŭ śpis biełaruskich čynoŭnikaŭ, jakim zabaronieny ŭjezd u krainy Eŭraźviazu, Kanadu i ZŠA. Jak da ŭčorašniaj zabarony Zimoŭskamu i Pralaskoŭskamu pastavilisia žychary stalicy?
(Karespandentka: ) «Padobna, što Eŭraźviaz ad słovaŭ pierajšoŭ da dziejańnia. Vy viedajecie, što nie puścili navat tranzytam praz Kanadu i Iślandyju na vostraŭ Svabody – Kubu – Zimoŭskaha i Pralaskoŭskaha. Jak vy da hetaha staviciesia?»
(Spadar: ) «Cha-cha-cha! Nijak! Škada chłopcaŭ, kaniečnie. Iślandyja, nakolki ja pamiataju, heta šmat vyspaŭ. Pahladzieli b źvierchu, užo atrymali b niejkaje estetyčnaje zadavalnieńnie, a to pryvykli lotać tolki nad terytoryjaj Biełarusi».
(Dziaŭčyna: ) «Ja stanoŭča da hetaha staŭlusia, tamu što za ŭsie dziejańni treba adkazvać niejkim čynam, nieści adkaznaść. Jany ž svaimi dziejańniami taksama parušali niečyja pravy».
(Chłopiec: ) «Ja staŭlusia da hetaha stanoŭča. Hetyja ludzi pavinny niejak adkazvać za svaje dziejańni».
(Spadarynia: ) «Ja taksama liču, što heta dobra. Jany pavinny zrazumieć, što ludzi taksama razumiejuć, što jany robiać».
(Spadar: ) «Pa-mojmu, heta nie zusim pravilna».
(Student: ) «Navošta zabaraniać? My žyviem u svabodnaj krainie».
(Chłopiec: ) «Ja asabliva palitykaj nie cikaŭlusia, mianie heta absalutna nie chvaluje».
(Spadar: ) «Ja nia viedaju, sami niachaj raźbirajucca, mnie ŭsio adno».
(Karespandentka: ) «Jak vy staviciesia da sankcyjaŭ Eŭraźviazu, kali biełaruskich čynoŭnikaŭ nie puskajuć navat tranzytam?»
(Spadarynia: ) «Uličvajučy, što heta nia prosta čynoŭniki (tamu što siarod čynoŭnikaŭ jość roznyja), a tyja čynoŭniki, jakija mieli dačynieńni da falsyfikacyi vynikaŭ vybaraŭ, to ja liču, što heta absalutna pravilna. Heta vielmi ŭściešna, što ich užo sapraŭdy nie puścili, a nia tolki na papiery. Ja spadziajusia, što ŭrešcie śpis asobaŭ, jakich nie puskajuć u cyvilizavanyja krainy, pašyrycca, tamu što pakul hetych asobaŭ vielmi mała. Jany pavinny zrazumieć, što heta surjozna, što śpis budzie pašyracca i sankcyi da ich buduć mieć bolšy rozhałas».
(Dziaŭčyna: ) «Hetaja navina mianie tak uzradavała. Chacia na miescy Eŭraźviazu ja b naahuł zabaraniła navat pavietranyja kalidory davać, niachaj ryjuć sabie padziemnyja chady i poŭzajuć pa ich. Narešcie ad słovaŭ pierajšli da dziejaŭ!»
Ina Studzinskaja, «Radyjo Svaboda»
Kamientary