U aŭtorak buduć sudzić hłybockuju žurnalistku Taćcianu Smotkinu
Taćcianu Smotkinu vyklikajuć u sud Hłybockaha rajona 28 lipienia na 14.30. Chto budzie vieści praces, pakul nieviadoma. Pozvu dasłali zakaznym listom.
«Ja vyrašyła, što advakat mnie nie patrebny — budu baranicca sama. Źbirajusia stajać na tym, što Kanstytucyja Respubliki Biełaruś daje prava kožnamu hramadzianinu jak zdabyvać infarmacyju, tak i dzialicca joj ź išymi», — skazała Taćciana Smotkina słužbie manitorynhu HA «BAŽ».
Na žurnalistku zaviali administracyjnuju spravu paśla źjaŭleńnia na sajcie «Biełaruskaha Radyjo Racyja» materyjała «Darohi ŭ Hłybokim stanuć pazytyŭnymi».
«Heta materyjał pra toje, što navučency Hłybockaj mastackaj škoły imia Jazepa Drazdoviča razmalavali kanalizacyjnyja luki, «pieratvaryŭšy» ich u «čarapašak», «rybak», «huziki» dy inšyja zabaŭki. Za jaho staršy inśpiektar adździeła achovy pravaparadku i prafiłaktyki Hłybockaha RAUS Viačasłaŭ Baryła 25 červienia i skłaŭ na mianie pratakoł pravaparušeńnia. Pryčym nie patłumačyŭ mnie pravy i abaviazki asoby, u dačynieńni da jakoj viadziecca administracyjny praces, pra što ja ŭ tym samym pratakole i napisała zaŭvahu», — raspaviała Taćciana Smotkina.
Heta pratakoł razam ź inšymi materyjałami spravy milicyja nakiravała ŭ sud. Sudździ nie pahadzilisia razhladać dakumienty, zaŭvažyŭšy pamyłki ŭ ich afarmleńni. Materyjały viarnuli na dapracoŭku ŭ milicyju, i 10 lipienia staršy inśpiektar Viačasłaŭ Baryła znoŭ vyklikaŭ žurnalistku, kab narešcie patłumačyć joj pravy.
Ciapier u administracyjnaj spravie jość dva asobnyja pratakoły: ułasna pra pravaparušeńnie i pra toje, što praz dva tydni paśla apytańnia ŭ milicyi Taćcianie Smotkinaj narešcie paviedamili, što jana moža karystacca pasłuhami advakata, znajomicca z materyjałami spravy, maje inšyja pravy dy abaviazki.
Hetkim čynam u milicyi pastupili i ź niezaležnym žurnalistam Źmitrom Łupačam. U jaho spravie taksama byli dva pratakoły, i sud nie ŭličyŭ parušeńnia jaho pravoŭ z boku milicyi. 23 lipienia Łupača pryznali vinavatym u parušeńni artykuła 22.9 KaAP č.2 i aštrafavali na 4, 5 milony rubloŭ.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary