23 lutaha vychavancy mienskaj škoły‑internatu №1 prymali kazackuju prysiahu ŭ mienskim chramie abraza Božaj Maci «Ŭsich tužlivych radaść».
Voś jak apisvaje cyrymoniju «Viačerni Minsk»:
«Bialavy chłopčyk u vajskovaj formie, chvacka zapierazanaj biełaj papruhaj, staranna vybivaje krok. Na dziciačym tvary ciapier stolki darosłaści, što inačaj jak «udały kazak» chłapčuka nie nazavieš. Varty kadet Barcoŭ! U svaje adzinaccać addać čeść samamu sapraŭdnamu kazačamu hienerału, pryniać pieršaje kazackaje słova. Uračysta paabiacać być viernym Ajčynie, bierahčy honar i dobraje imia kazaka. Schilić hałavu pierad śviatarom. Pacałavać pravasłaŭny kryž i apuścicca na kalena la biełaha ściaha. Varty kadet Barcoŭ! Jak i ŭsie vychavancy Ždanovickaj škoły‑internatu №1 dla dziaciej‑sirot i dziaciej, jakija zastalisia biez apieki baćkoŭ, što pryniali ŭ Dzień abaroncaŭ Ajčyny adkaznaje rašeńnie: być kazakami‑kadetami».
Maleńkija kadety buduć u abviazkovym paradku nasić formu, ich dzień budzie iści pa raskładzie, a ŭ dadatak da ahulnaadukcyjnych jany buduć vyvučać specyjalnyja pradmiety: šychtvauju padrychtoŭku, historyju kazactva, Zakon Božy. Dziaŭčynki‑kadetki buduć asojvać asnovy medyčnaj prafesii.
«Muraški prabiahajuć pa ciele, kali ŭ adkaz na pytańnie atamana paŭtara dziasiatka maleńkich kazakoŭ uzapar napaŭniajuć pamiaškańnie raskocistym trochrazovym: «Luba!»
«Viačerni Minsk» taksama paviedamlaje, što haradzkimi ŭładami ŭžo zaćvierdžanaje budaŭnictva ŭ Zavodzkim rajonie pieršaha vajskovaha kazačaha chramu abrazá Danskoj Božaj Maci. Druhaja mara pałkavych atamanaŭ — stvareńnie na bazie internatu №1 pieršaha ŭ Biełarusi kazačaha kadeckaha korpusu.
«Voś i na prysiazie padychodzili dzieci da hienerała Ŭłachoviča za paśviedčańniem kazaka, a jon im — nia tolki aficerskaje napadarožnaje słova, ale j niekalki nibyta niaznačnych, ale nasamreč vielmi važnych słoŭ. Nie, nie, dy j razdavałasia baćkoŭskaje: «Admietnaje ŭ ciabie imia, kadet Alaksandar. Niasi jaho hodna pa žyćci» albo tak: «Ty, druža, Mikałaj Alaksiejevič, a ja — Mikałaj Dźmitryjevič. Słužy, ciozka, biełaruskamu kazactvu». Praściej kažučy, sapraŭdnym čałaviekam budź».
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary