Siamiejny adpačynak miljardera: Ełan Mask prajšoŭsia pa samalocie ŭ niebie
Hienij, miljarder, płejboj, fiłantrop… Varjat? Nie.
Ełan Mask prahulaŭsia pa kryle samalota prosta ŭ niebie, čym pachvaliŭsia ŭ svaim instahramie.
Z Maskam u niebie była i jaho žonka, aktrysa Tałuła Rajli — jana ŭ instahramie vykłała videa svajho pachoda-palota. Ź imi ŭ niebie byŭ brat Ełana, Kimbał Mask, taksama lotała ich siastra, Toska Mask. Zdymki adpačynku siamiejnaj pary ź ziamli rabiła i matula Ełana, Maja Mask.
A jak vy ładzicie siamiejny adpačynak?
Takaja zabava jak pachody pa kryle samalota ŭ niebie pačałasia jak niebiaśpiečny truk u 1920-ch, adznačaje Mashable, zatym stała zvyčajnaj praktykaj padčas dazapraŭki ŭ pavietry, ciapier źjaŭlajecca davoli biaśpiečnaj zabavaj. U Brytanii špacyr pa kryle ŭ palocie budzie kaštavać kala 620 dalaraŭ, zaŭvažaje Business Insider.
***
Ełan Mask zajmaje sotaje miesca ŭ śpisie miljarderaŭ Forbes z 13,2 młrd dałaraŭ u kišeni. Viadomy jak stvaralnik płaciožnaj sistemy PayPal (pradaŭ jaje ŭ 2002-m), aŭtamabilnaj kampanii Tesla (vypuskaje elektramabili kłasu luks, budzie vypuskać i «mašyny dla ŭsich») i pryvatnaj kaśmičnaj kampanii SpaceX (jaje rakiety i karabli ŭžo dastaŭlajuć hruzy na MKS, a mohuć i palacieć na Miesiac). U Kremnijevaj dalinie pavodzić siabie jak biazdomny.
Kimbał Mask — vynachodnik i vienčurny inviestar, vałodaje sietkaj kaviarniaŭ The Kitchen Cafe i dabračynnaj arhanizacyjaj The Kitchen Community. Toska Mask — pradziusar i režysior, viadomaja pa rabocie nad veb-sieryjałam «Tiki Bar». Maja Mask — fotamadel (užo 50 hod jak), dyjetołah, nastaŭnica ŭ madelnaj škole. Tałuła Rajli — aktrysa, źjaŭlałasia ŭ epizodach «Doktara Chto» i «Pačatku».
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary