U chodzie sustrečy ź viadučymi hramadskimi lidarami Ukrainy pa pytańni kanstytucyjnaj reformy prezident krainy Piatro Parašenka prakamientavaŭ słovy prezidenta Rasii Uładzimira Pucina ab adzinstvie narodaŭ dźviuch krain.
«Niama ŭ nas nijakich brackich narodaŭ padčas vajny. Jość adziny ŭkrainski narod, jaki idzie ŭ Jeŭropu, i jość ruski narod, jaki znachodzicca ŭ hłybokim kryzisie», — zajaviŭ jon.
Takim čynam Parašenka adkazaŭ na prośbu nadzvyčajnaha i paŭnamocnaha pasła Ukrainy, byłoha pasła Ukrainy ŭ ZŠA Juryja Ščarbaka «rastłumačyć ludziam» słovy Pucina.
U paniadziełak, 17 žniŭnia, Uładzimir Pucin padčas vizitu ŭ Krym u čarhovy raz paŭtaryŭ tezis ab tym, što asobny ŭkrainski narod nie isnuje. «Ja liču, što ruskija i ŭkraincy — heta naohuł adzin narod, roźnicy my nie robim», — skazaŭ rasijski prezident. Raniej jon kazaŭ toje samaje adnosna biełarusaŭ.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary