Supracoŭniki SBU ŭ zonie antyterarystyčnaj apieracyi kanfiskavali dva vialikich arsienały niaŭličanaj zbroi, jakuju, pavodle papiarednich dadzienych, płanavali vyvieźci byłyja bajcy dobraachvotnickich bataljonaŭ.
Supracoŭniki SBU vyjavili pablizu vioski Bachmutaŭka Novaajdaraŭskaha rajona Łuhanskaj vobłaści aŭtamabil z padstvolnym hranatamiotam, traciłavymi šaškami, procipiachotnymi minami i ručnymi hranatami roznych typaŭ, patronami i mahazinami da aŭtamatyčnaj zbroi i h.d.
Druhaja partyja zbroi była znojdzienaja ŭ «schronie» ŭ zakinutych pamiaškańniach zavoda ŭ siale Pałavinkina Starabielskaha rajona Łuhanskaj vobłaści.
U tajniku supracoŭniki SBU znajšli 33 kiłahramy traciłu ŭ šaškach, try aŭtamatyčnyja stankovyja hranatamioty, kulamioty, aŭtamaty Kałašnikava, 40 ručnych procitankavych hranatamiotaŭ, skryni z patronami da strałkovaj zbroi roznych kalibraŭ, hranaty roznych madyfikacyj, 7 reaktyŭnych snaradaŭ da RSZA «Hrad».
Vajennaj prakuraturaj Łuhanskaha harnizona raspačata kryminalnaja vytvorčaść pa č. 1 art. 263 Kryminalnaha kodeksa Ukrainy.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary