BuzzFeed: Pientahon zakupiŭ dla siryjskich paŭstancaŭ biełaruskija procitankavyja rakiety
700 mahutnych procitankavych rakiet dla siryjskich paŭstancaŭ byli nabytyja ŭ Biełarusi za hrošy amierykanskich padatkapłacielščykaŭ. Pra heta havorycca ŭ rasśledavańni žurnalistaŭ BuzzFeed (adnaho z najbujniejšych amierykanskich navinavych partałaŭ).
Pa dadzienych vydańnia, Pientahon zakuplaje zbroju dla paŭstancaŭ praz malusieńkuju, małaviadomuju pryvatnuju kampaniju Purple Shovel LLC.
Takim čynam, ZŠA parušyli svaju ŭłasnuju palityku i dali Purple Shovel LLC adabreńnie na kuplu «vysokatechnałahičnych rakiet dla paŭstancaŭ» ź Biełarusi.
Reč u tym, što Dziarždep licenzuje kožnuju ździełku z udziełam amierykanskich kampanij i jość śpis krain z abmiežavańniami pa handli zbrojaj, u jaki ŭvachodzić i Biełaruś.
«Biełaruś, jakuju abvinavačvajuć u parušeńniach pravoŭ čałavieka, jak praviła, zakryta dla amierykanskich handlaroŭ zbrojaj. Ale vajennyja ZŠA i Dziaržaŭny departamient pahadzilisia zrabić vyklučeńnie, dazvoliŭšy za srodki amierykanskich padatkapłacielščykaŭ zakupić 700 mahutnych procitankavych rakiet «Konkurs» dla paŭstancaŭ» — adznačaje vydańnie.
BuzzFeed taksama nahadvaje, što Biełaruś, razam z Rasijaj, Iranam i Paŭnočnaj Karejaj źjaŭlałasia najbujniejšym pradaŭcom zbroi režymu Bašara Asada z 2006 pa 2010 hod.
Supraćtankavyja rakiety «Konkurs» zdolnyja paražać celi na adlehłaści da 4 km. Jany mohuć prabić braniu da 250 mm taŭščynioj, što robić ich efiektyŭnym zbrojaj suprać tankaŭ. «Konkurs» raspracavali ŭ SSSR u pačatku 1970-ch, ale madyfikacyja «Konkurs-M» pryniataja na ŭzbrajeńnie paraŭnalna niadaŭna — u 1991 hodzie. Takija rakiety vyrablajucca, u tym liku, u Indyi i ŭ Iraku.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary