Złučanyja Štaty pavinny dać zrazumieć rasijskamu prezidentu Uładzimiru Pucinu, što dla Rasii niedapuščalna stvarać chaos u Siryi, zajaviła eks-dziaržsakratar ZŠA Chiłary Klintan padčas teledebataŭ ź inšymi demakratami, jakija zmahajucca za vyłučeńnie svajoj kandydatury na prezidenckich vybarach.
Klintan stała samaj aktyŭnaj udzielnicaj pieršych debataŭ usich piaci pretendentaŭ na vyłučeńnie kandydatam u prezidenty ZŠA ad Demakratyčnaj partyi.
«Mnie ŭjaŭlajecca važnym, kab Złučanyja Štaty jak maha bolš jasna dali zrazumieć Pucinu, što heta niedapuščalna — kali jon ŭmiešvajecca ŭ situacyju ŭ Siryi i tolki pavialičvaje chaos, nanosiačy avijaŭdary ŭ dapamohu Asadu», - skazała Chiłary Klintan, kali havorka zajšła ab rasijskaj vajennaj kampanii ŭ Siryi.
«My pavinny vystupać z pazicyi lidara — voś za što ja vystupaju», — dadała jana.
Jaje hałoŭny supiernik, sienatar ad štata Viermont Bierni Sanders u chodzie dyskusii zaŭvažyŭ, što prapanova Klintan stvaryć svabodnuju ad palotaŭ zonu nad Siryjaj moža pryvieści da surjoznych prablem.
Klintan, u svaju čarhu, skazała, što biespalotnaja zona moža stać ryčahom, jaki prymusić Pucina viarnucca da pieramovaŭ.
Jana taksama adznačyła, što hałoŭnaj metaj jaje pieradvybarnaj prahramy źjaŭlajecca ŭmacavańnie siaredniaha kłasa ŭ Złučanych Štatach i pavyšeńnie minimalnych zarobkaŭ.
Sanders zajaviŭ, što jaho pryjarytetnym napramkam budzie baraćba z sacyjalnaj niaroŭnaściu ŭ ZŠA i inviestycyi ŭ stvareńnie pracoŭnych miescaŭ i ŭ adukacyju, a nie ŭ turemny sistemu.
U debatach taksama pryniali ŭdzieł były hubiernatar štata Merylend Marcin O'Meli, eks-sienatar ad Virdžynii Džym Ueb i były sienatar ad Rod-Ajlenda Linkaln Čafi.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary