Karatkievič: Abskardziŭšy vyniki vybaraŭ, my ŭvajšli ŭ historyju jak paśladoŭnyja ludzi
16 kastryčnika Centravybarkam admoviŭsia zadavolić skarhu kandydatki ŭ prezydenty Taciany Karatkievič. U skarzie kandydatka na padstavie šmatlikich parušeńniaŭ zakanadaŭstva patrabavała pryznać vyniki hałasavańnia na prezydenckich vybarach niesapraŭdnymi pa ŭsioj krainie.
U interviju Svabodzie Taciana Karatkievič skazała, što, niahledziačy na farmalnaść skarhi i pradkazalnaść rašeńnia CVK, takim krokam jana i jaje kamanda ŭvajšli ŭ historyju.
— Ci jość niejkaja perspektyva asprečvać vyniki vybaraŭ dalej? Što vy budziecie rabić paśla admovy CVK?
— Pavodle biełaruskaha zakanadaŭstva my nia možam bolš ničoha zrabić. My zrabili toj krok, jaki abiacali vykanać. Heta histaryčny krok. My zaŭsiody adstojvajem zakonnaść i adkrytaść, tamu i padavali skarhu, u jakoj pradstavili ŭsie dakumenty pra toje, jak nasamreč prachodzili vybary, zafiksavali fakty, jakija adznačyli našy naziralniki. Heta było vielmi važna. A dalej — krok napierad. My nia budziem zasiarodžvacca na aficyjnych vynikach hetaj kampanii. U nas napieradzie parlamenckaja kampanija, stvareńnie adzinaha śpisu i ahulnanacyjanalny forum «Za mirnyja pieramieny».
— Ci byŭ spadzieŭ, što rašeńnie moža być na vašu karyść?
— Spadzievu na toje, što CVK vyniesie inšaje rašeńnie, u nas nie było. Siońnia va ŭładnaj systemy była mahčymaść skarektavać svaju palityku, ale pakul što jana zastajecca na svaim miescy. Ale my mieli mahčymaść pracavać, damahacca svaich metaŭ, dziakujučy svajoj stratehii i taktycy.
— Ci možna kazać, što skarha ŭ takim razie — farmalny krok?
— Z adnaho boku, heta farmalnaść. Ale nam treba było padać hetuju skarhu i vykazać toje, što my chacieli. Mienavita takija kroki zastajucca ŭ historyi. Samaje hałoŭnaje — być paśladoŭnymi. Ja liču, što my ŭvachodzim u historyju paśladoŭnymi krokami, adznačajem siabie jak ludziej z pazycyjaj.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary