Aleś Paškievič: Aleksijevič na eviereście suśvietnaj słavy ŭźniała bieł-čyrvona-bieły ściah
Čym jość Nobeleŭskaja premija Śviatłany Aleksijevič dla biełaruskaj litaratury — stymułam ci vyklikam? I što robić niezaležny Sajuz piśmieńnikaŭ dla tvorčaj moładzi? Na hetyja pytańni adkazaŭ namieśnik staršyni SBP Aleś Paškievič u pieradačy «Volnaja studyja» na radyjo «Svaboda».
«Kaliści vielmi mudra skazała Marharet Tetčar: «Čałaviek uzychodzić na Everest dziela siabie, ale pakidaje tam ściah svajoj dziaržavy». Voś i Śviatłana Aleksijevič pracavała ŭ litaratury dziela siabie, dziela svaich čytačoŭ, jana ŭzyšła na everest suśvietnaj słavy i ŭźniała tam ściah Biełarusi, pryčym nie dziaržaŭny, a — bieł-čyrvona-bieły.
Nobeleŭskija laŭreaty — ludzi roznych pazycyj, śvietapohladaŭ i stylovych kirunkaŭ, i nivodnaha ź ich pieraŭzyści niemahčyma. Heta nia tak, jak, skažam, u sporcie, dzie čempijonskaje dasiahnieńnie zaŭtra budzie pieraŭzydziena. A pierapisać, pieraŭzyści Bunina, Nabokava ci Aleksijevič niemahčyma.
Jana, biez sumnievu, biełaruskaja piśmieńnica, urešcie jana — siabra Sajuzu biełaruskich piśmieńnikaŭ. I bolšaściu čytačoŭ u śviecie jana ŭsprymajecca mienavita jak biełaruski tvorca. Japonskich, kitajskich, francuskich ci švedzkich čytačoŭ, jakija buduć čytać tvory Aleksijevič u pierakładach na svaje movy, nia ŭ pieršuju čarhu cikavić, na jakoj movie jany byli stvoranyja.
Da taho ž, pazycyja Śviatłany Alaksandraŭny nakont «russkoho mira» i peŭnych palityčnych padziejaŭ vielmi pakazalnaja. Heta nia tolki biełaruskaja piśmieńnica, ale i čałaviek biełaruskaha śvietu, jak jana pryznałasia na pieršaj paśla prysudžeńnia premii presavaj kanferencyi».
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć39
Kamientary