Aktyvisty KCHP BNF patrulujuć Kurapaty

U Kurapackim lesie ja sustreŭ piacioch siabroŭ KCHP‑BNF, udzielnikaŭ patrulavańnia.

Siarod ich presavy sakratar partyi Valery Bujvał:

«Rehularna nahladajem za tym, kab tut vandały znoŭ nie natvaryli svaje złačynstvy. Niekalki razoŭ na dzień, pozna ŭviečary siabry KCHP nievialikimi hrupami prachodziać pa terytoryi memaryjału, hladziać, kab tut usio było ŭ paradku, kab nie badzialisia tut złodziei. Budziem zaŭsiody rabić heta, kab paźbiehnuć voś hetych dramaŭ, jakija tut adbyvalisia. I budziem abaraniać našu śviatyniu ad bluźnierstva, ad satanistaŭ».

Pierad tym, jak jechać u Kurapacki les, ja patelefanavaŭ supracoŭniku milicyi Mienskaha rajonu Vitalu Muzyčenku. Jon skazaŭ, što pavodle apošniaha faktu vandalizmu, kali 12 sakavika było złamana i paškodžana bolš za tryccać kryžoŭ, raspačataja kryminalnaja sprava za chulihanstva:

«Zaviedzienaja kryminalnaja sprava, pravodzicca raśśledavańnie».

Nijakaj inšaj infarmacyi milicyjanty nie padali. Spadar Bujvał skazaŭ:

«Nielha kazać, što heta ŭsio robicca niejkimi drobnymi chulihanami. Heta metanakiravanaja praca vielmi arhanizavanaj publiki, jakaja škodzić, źniščaje našy śviatyni. I ŭsio heta jość arhaničnaja častka taho zła, jakoje tvorycca na našaj ziamli nad našaj kulturaj i narodam. Byli zaviedzienyja spravy, ale dalej za pieršyja kroki śledztva nie pajšło. Bačna, što dla ŭładaŭ vyhadna, kab adbyvałasia takaja sytuacyja».

Kab adnavić kryžy KCHP‑BNF abjaviła tałaku 15 sakavika. Pavodle spadara Bujvała, u joj uziali ŭdzieł bolš za 40 čałaviek, stałych i maładych. Ad 10‑ci da 16‑ci hadzinaŭ za ŭdzielnikami tałaki nahladała milicyja.

«Z Božaj łaski nam udałasia adrestaŭravać usie paškodžanyja i pałamanyja kryžy, i adnavić celnuju kampazycyju našaha memaryjału. Ludzi vielmi dobra pracavali, niahledziačy na toje, što ŭłady zrabili ŭsio, kab zapałochać ludziej, zrabić niemahčymymi ŭmovy dla pracy. Tut stajała stolki milicyi, DAI pierakryła ŭsie padjezdy da Kurapataŭ, ale naša mašyna z materyjałami i instrumentami ŭsio ž prarvałasia na terytoryju».

Były viazień HUŁAHu siabra sojmu i ŭpravy KCHP‑BNF Piatro Šaškiel taksama braŭ udzieł u tałace i patrulavańni. Jon ličyć, što i ŭłady pavinny spryčynicca da achovy memaryjału:

«Dla ŭsich nas biełarusaŭ heta śviatoje miesca. Dla mianie, moža, bolš balučaje, bo ja sam byŭ represavany ŭ małaletnim uzroście. Heta balšavickaja navała tyčycca ŭsioj našaj siamji. Tolki dziakujučy apazycyi BNF u Viarchoŭnym Saviecie 12‑ha sklikańnia adbyłasia reabilitacyja achviaraŭ palityčnych represij.

Akty vandalizmu adbyvajucca, praktyčna, štohod. Kali režym užo pravioŭ darohu pa kaściach ludziej, było pakładziena heta dzikunstva. Jak my abaraniali hetyja kryžy, zasypali našych ludziej piaskom buldozery, bili, taptali ŭ hraź».

— Vy tolki što paviazali bieł‑čyrovna‑biełuju stužačku na kryž «Pakutnikam Biełarusi»…

«Kožny raz, kali prychodzim, paviazvajem ci ručniki, ci stužki, zapalvajem źnički. Ale praź dzień‑dva heta ŭsio źnikaje».

Zahadčyk upravy KCHP‑BNF Uładzimier Jucho časta naviedvaje Kurapacki les. Jon kaža, što patrulavańnie moža zaścierahčy ad vandałaŭ:

«Kali ŭziać apošnija padziei, siudy, na hałoŭnuju aleju, jany bajalisia pryjści, bo bačna i z darohi, i ludzi tut byvajuć čaściej. A voś zboku užo, ad pola hetyja kryžy, što bolš za tryccać pałamali, jany zrabili heta, bo tam nia tak bačna.

Tam, na kurapackaj Hałhofie, ad vilenskich biełarusaŭ dva kryžy — adzin pravasłaŭny, druhi katalicki. I ŭ minułym hodzie my pastavili šaścikancovy, biełaruski kryž. Jon novy byŭ. I jakraz, kali heta adbyłosia, dyk hety kryž tak ŭžo vyviernuli, jaho złamać nie mahli. My, kali ramantavali hetyja kryžy, dyk pastavili j jaho na miesca. Heta novaje niešta. Vybrali jakraz hety kryž biełaruski».

Aleś Daščynski, Radyjo Svaboda

• 0
• 0
• 0
• 0
• 0
• 0
• 0
• 0