Aproč inšaha, miascovych čynoŭnikaŭ nadta ŭžo pierajmaje pytańnie, na jakija hrošy ŭstalavana šylda.
Miemaryjalnaja doška ŭ honar uradženca Hłybokaha była ŭstanoŭlena 23 sakavika. Praz dva dni, 25 sakavika, u 90‑iu hadavinu abviaščeńnia BNR, Ju.Siamiańnikaŭ zahadaŭ źniać došku. Miascovyja aktyvisty vyśviatlać, dzie jana ciapier znachodzicca, pakolki apasajucca, što jaje źniščać.
Kiraŭnik adździeła ŽKH ličyć, što doška była ŭstanoŭlena biez dazvołu rajvykankama. U orhany miascovaj ułady adpaviednaja zajava nie była padadziena, a eskiz doški nie byŭ uzhodnieny sa słužbami ŽKH.
Niahledziačy na toje, što haspadar doma № 22 pa vulicy Horkaha Rajmund Sałodki asabista daŭ dazvoł na raźmiaščeńnie na ścianie jaho doma miemaryjalnaj doški ŭ honar K.Duž‑Dušeŭskaha i nie vykazaŭ nijakich pretenzij da miacovych aktyvistaŭ, niekatoryja ź jakich byli vyklikany da ŭčastkovaha inśpiektara milicyi Andreja Ramanoŭskaha. Supracoŭnik milicyi cikaviŭsia, na jakija srodki vyrablena miemaryjalnaja doška, a taksama aŭtarstvam idei.
Dobraachvotnyja achviaravańni na miemaryjalnuju došku ŭ honar palityčnaha dziejača BNR źbirali miascovyja aktyvisty Partyi BNF.
«Źniaćciem doški mienavita 25 sakavika miascovyja ŭłady plunuli ŭ dušy nie tolki nam, žycharam Hłybokaha, ale i ŭsim biełarusam. Ja dumaju, ułady prosta bajacca prajavaŭ luboj hramadzianskaj inicyjatyvy. Napeŭna, kali b my za svaje hrošy zaasfaltavali jakuju‑niebudź vulicu, to jany nazaŭtra vyklikali b buldozier, kab źniščyć našu pracu», — zajaviŭ BiełaPAN staršynia rajonnaj arhanizacyi partyi Jarasłaŭ Biernikovič.
Ciapier čytajuć
Kola Łukašenka siadzić pobač z baćkam i Pucinym na Krasnaj płoščy5
Kamientary