Aŭtobusny pieravozčyk rekłamuje tury ź Minska ŭ Krym z pryjemnaj źnižkaj. Kamientatary acanili
«A drony supravadžajuć?»
«Nu, bachnie nočču paru razoŭ, a tak usio dobra»
Dniami ŭ adnym ź minskich navinavych instahram-pablikaŭ źjaviłasia rekłama turystyčnych pajezdak u Krym.
Intercars (pieravozčyk «BajerTrans») płanuje praź dzień vykonvać rehularnyja rejsy na akupavany Krymski paŭvostraŭ. A kab zaachvocić klijentaŭ — prapanuje źnižku 10% pry kupli biletaŭ adrazu ŭ abodva baki.
Kamientatary chutka adreahavali na takuju sumnieŭnuju prapanovu.
«A drony supravadžajuć?» — hučyć samy załajkany kamientar.
Na što adna z karystalnic adkazała: «Kožny hod jeździm užo šmat-šmat hadoŭ. Nu, bachnie nočču paru razoŭ, a tak usio dobra».
«U ciapierašniaj situacyi hučyć jak ździek…» — acaniła prapanovu nabyć kvitki sa źnižkaj inšaja kamientatarka.
«Z hłuzdu źjechali?» — zadajucca pytańniem.
Tuapse i Pierm taksama ŭ modzie
Jašče adzin mužčyna ź ironijaj dadaje, što ŭ Tuapse taksama možna pajechać — maŭlaŭ, i tam, i ŭ Krymie ciapier «tak biaśpiečna».
«Źbirałasia ŭ Tuapse, ale pieradumała… Pajedu ŭ Pierm!» — žartuje inšaja žančyna.
Prapanoŭ arhanizavać tury ŭ rasijskija Pierm i Tuapse siarod kamientataraŭ chapaje.
Ludzi zadajuć šmat pytańniaŭ kštałtu: ci ŭvachodzić zaviaščańnie ŭ košt pasłuhi i ci iduć u padarunak broniekamizelki i kaski?
«Da kvitka prykładajecca nafta i mazut prosta ź plažu, tak?» — žartujuć.
Adzin z mužčyn zaŭvažyŭ, što ŭ Rasiju možna naohuł biaspłatna pajechać — pa kantrakcie.
«Kali nazad viarnucca nie atrymajecca, to ličy — zekanomiŭ», — iranizuje jašče adzin karystalnik.
«Tolki vatnyja debiły pajeduć u akupavany Krym, dzie idzie vajna», — ličyć inšy kamientatar.
A jak tam z suviaźziu?
Aproč palityčnych aśpiektaŭ i pytańniaŭ biaśpieki, niekatoryja adznačyli prablemy z suviaźziu, jakija buduć čakać amataraŭ adpačynku ŭ Krymie.
«Jechać biez suviazi i tudy, dzie suviazi litaralna niama — aj, małajcy!» — adznačaje kamientatarka.
«Tak? A jak tam z suviaźziu? Padklučycie «Maks»? Pradumali, jak paviedamić u darozie, što ŭsio dobra? Simki ŭ Rasii nie kupić! Akazałasia, što nie budzie mahčymaści kamunikavać u darozie! I pa miescy tolki vaj-faj u hateli! Tak sabie!» — piša inšaja.
Taksama pad dopisam šmat karotkich kamientaroŭ kštałtu: «Jaki žach», «Dziakuj, nie treba», «Dy nie daj boh…».
Paźniej mahčymaść pakidać kamientary pad dopisami była abmiežavanaja.
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary