Raspačataja kryminalnaja sprava ŭ dačynieńni da padpałkoŭnika Uzbrojenych Sił Biełarusi pa fakcie atrymańnia chabaru na sumu bolš za 50 młn rubloŭ, paviedamili va UUS Hrodzienskaha abłvykankama.
Mužčyna, źjaŭlajučysia słužbovaj asobaj i budučy adkaznym za zabieśpiačeńnie vojskaŭ Zachodniaha apieratyŭnaha kamandavańnia charčavańniem i techničnymi srodkami suviazi, atrymlivaŭ uznaharodu ad dyrektaraŭ pryvatnych firmaŭ za pieramohu ŭ tendery.
Ustanoŭlena, što aficer atrymaŭ 4 młn ad kiraŭnika praduktovaj kampanii za toje, što mienavita jaho arhanizacyja vyjhraje tender i budzie zabiaśpiečvać charčavańniem adnu z voinskich čaściej na terytoryi Hrodzienskaj vobłaści.
Paźniej paŭstała nieabchodnaść zakupki ŭ hetuju ž častku chaładzilnaha abstalavańnia. Zajmaŭsia arhanizacyjaj konkursu usio toj ža padpałkoŭnik. Jon zahadzia źviazaŭsia z dyrektaram firmy, jakaja zajmajecca technikaj padobnaha płanu, i prapanavaŭ jamu pieradać 47 młn za spryjalnaje vyrašeńnie pytańnia ŭ pieramozie pradpryjemstva ŭ tendery. Kiraŭnik pahadziŭsia i pieradaŭ nieabchodnuju sumu słužbovaj asobie.
U vykryćci złačynnaj schiemy ŭdzielničali supracoŭniki ABEZ Kastryčnickaha RAUS Hrodna. Ciapier niačysty na ruku aficer zatrymany, na jaho majomaść nakładzieny aryšt.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary