Supracoŭnictva Kazachstana ź Jeŭrapiejskim Sajuzam nie supiarečyć udziełu hetaj krainy ŭ Jeŭrazijskaj ekanamičnaj supolnaści (JeŭrAzEs), dzie daminujučyja pazicyi zajmaje Rasija.
Pra heta zajaviŭ ministr zamiežnych spraŭ Kazachstana Jerłan Idrysaŭ u intervju ahienctvu dpa ŭ niadzielu, 20 śniežnia, napiaredadni vizitu ŭ Astanu viarchoŭnaha pradstaŭnika ES pa zamiežnaj palitycy i biaśpiecy Fiederyki Mahieryni.
Čakajecca, što 21 śniežnia Kazachstan i ES padpišuć dahavor ab pahłybleńni partniorstva i supracoŭnictva.
«Toj fakt, što naša kraina vystupaje za transkantynientalnaje supracoŭnictva, siońnia padtrymlivajuć i JeŭrAzEs, i Jeŭrasajuz», — rastłumačyŭ Idrysaŭ.
Jon taksama padkreśliŭ, što ŭ doŭhaterminovaj pierśpiektyvie Kazachstan spadziajecca na supracoŭnictva hetych dvuch kankurujučych adna z adnoj arhanizacyj, jakoje pryviadzie da stvareńnia zony svabodnaha handlu «ŭ farmacie ad Lisabona da Uładzivastoka».
Kazachstan žadaje pašyrać supracoŭnictva ź ES nie tolki ŭ ekanomicy, ale i ŭ śfiery biaśpieki, baraćby z teraryzmam i złačynnaściu.
Kamientary