Izrail zajaviŭ pra bolš za 300 udaraŭ pa abjektach «Chiezbały» ŭ paŭdniovym Livanie
Ministerstva achovy zdaroŭja Livana paviedamlaje pra 182 zahinułych i 727 paranienych.
Ataka stała najbolš masavanaj z kastryčnika 2023 hoda, kali situacyja abvastryłasia i na izrailska-livanskaj miažy.
«Armija abarony Izraila budzie nanosić bolš maštabnyja i dakładnyja ŭdary pa abjektach terarystaŭ, jakija raźmieščanyja pa ŭsioj terytoryi Livana. Udary buduć praciahvacca ŭ najbližejšy čas», — skazaŭ pradstaŭnik Armii abarony Izraila Daniel Chahary.
23 vieraśnia Izrail upieršyniu zaklikaŭ žycharoŭ paŭdniovaha Livana evakujavacca z damoŭ i inšych budynkaŭ, dzie, pavodle ich danych, zachoŭvajecca zbroja. Bo, jak jany papiaredzili, buduć praciahvać nanosić udary pa hrupoŭcy.
«My rychtujemsia da naniasieńnia ŭdaru pa terarystyčnych abjektach u dalinie Biekaa ŭ najbližejšy čas. «Chiezbała» zachoŭvaje tam stratehičnuju zbroju ŭ hramadzianskich budynkach i vykarystoŭvaje nasielnictva jak žyvy ščyt, śviadoma padviarhajučy jaho niebiaśpiecy. Ja papiaredžvaju žycharoŭ Livana ŭ vioskach daliny Biekaa. Nieadkładna pakińcie hetuju terytoryju!» — zajaviŭ Daniel Chahary.
U svaim zvarocie na arabskaj movie da žycharoŭ daliny izrailski pałkoŭnik Avičai Adrai zajaviŭ, što ŭ mirnych žycharoŭ jość dźvie hadziny na evakuacyju.
«Kali vy znachodziciesia ŭnutry abo kala doma, u jakim zachoŭvajecca zbroja «Chiezbały», vy pavinny pakinuć jaho na adlehłaść nie mienš za 1000 mietraŭ ad vioski […] i nie viartacca da dalejšaha paviedamleńnia», — skazaŭ jon.
Iranskamu korpusu vartavych Isłamskaj revalucyi zabaranili vykarystoŭvać srodki suviazi
«Chiezbała» zapuściła bolš za 100 rakiet pa Izrailu, CACHAŁ nanios udary pa Livanie
«Chiezbała» paviedamiła pra hibiel dvuch kiraŭnikoŭ i 13 bajcoŭ
Izrail paviedamiŭ, što zabiŭ u Biejrucie adnaho z kamandziraŭ ruchu «Chiezbała»
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia6
Kamientary