«Adsyłaje da hieraldyčnaj tradycyi ruskaha akupanta». U Biełastoku chočuć admovicca ad hierba z Pahoniaj

Ułady Biełastoka abmiarkoŭvajuć źmienu haradskoha hierba, na jakim namalavanaja Pahonia.

Ciapier hierb Biełastoka — ščyt u čyrvonym i załatym kolerach, u vierchniaj siekcyi jakoha raźmiaščajecca srebny aroł, a ŭ nižniaj — Pahonia. Adnak ułady ličać, što hierb stvorany z parušeńniem praviłaŭ hieraldyki. Akramia taho, jon adsyłaje da časoŭ Rasijskaj impieryi, piša poranny.pl.

«U nas prablema nie z hierbam, a z hieraldyčnaj kamisijaj. Choć naš hierb byŭ stvorany paśla demakratyčnych pieraŭtvareńniaŭ Polščy, jon dahetul ličycca carskim hierbam. Tamu my vynosim na abmierkavańnie pytańnie hierba. Pahladzim, ci pahodziacca deputaty na źmieny. Ale heta pačatak doŭhaha šlachu da pieramienaŭ», — raspavioŭ prezident horada Tadevuš Truskałaski.

Hierb z arłom i Pahoniaj u ciapierašnim vyhladzie byŭ zaćvierdžany miascovym samakiravańniem Biełastoka ŭ 1996 hodzie. Z tych časoŭ hieraldysty i historyki śćviardžajuć, što jon nie adpaviadaje pryncypam hieraldyki i histaryčnaj tradycyi.

Na praktycy lubyja sproby ŭzhadnić z hieraldyčnaj kamisijaj, naprykład, upryhožvańni z vyjavaj hierba z arłom i Pahoniaj, zakančvajucca niaŭdačaj. Tamu horadu chaciełasia b viarnucca da hierba, jaki isnavaŭ da padziełaŭ Rečy Paspalitaj.

Hieraldyčnaja kamisija adznačaje, što ciapierašni hierb Biełastoka «adsyłaje da carskaj hieraldyčnaj tradycyi ruskaha akupanta». Majecca na ŭvazie hierb Biełastockaj vobłaści, padaravany ŭ 1809 hodzie, a zatym padaravany i horadu ŭ 1882 hodzie carom Alaksandram III.

Raniejšy hierb Biełastoka byŭ padaravany ŭ 1749 hodzie karalom polskim i vialikimi kniaziem litoŭskim Aŭhustam III pa chadajnictvie ŭładalnika horada karonnaha hietmana Jana Klemiensa Branickaha. Na hierbie byŭ namalavany srebny hryfon z załacista-žoŭtaj dziubaj z radavoha hierba Branickich. Piarednimi łapami Hryfon trymaŭ manahramu JKB pad załatoj karonaj.

Pavialičyć

U mižvajenny čas meryja Biełastoka sprabavała viarnuć hierb Branickich, jaje padtrymaŭ urad krainy. Adnak haradskaja rada admoviłasia mianiać simvoliku.

Kali miascovaje samakiravańnie ŭ hety raz daść zialonaje śviatło źmienie hierba, horad daručyć raspracoŭku dyzajnu hierba. Zatym dyzajn pieradaduć na ekśpiertyzu hieraldyčnaj kamisii. Paśla atrymańnia stanoŭčaha zaklučeńnia jon pastupić u haradskuju radu na vynikovaje hałasavańnie.

• 5
• 4
• 3
• 5
• 2
• 2
• 0
• 0