Madrydski «Reał» ŭ 16-m tury čempijanatu Ispanii pa futbole abyhraŭ «Rajo Valjekana» ź likam 10:2. Čatyry hały za madrydski kłub zabiŭ Haret Bejł, try — Karym Bienziema, dva — Kryšcijanu Ranałdu i adzin — Daniłu.
Asnoŭnyja padziei ŭ matčy adbylisia ŭ pieršym tajmie. Futbalisty «Rajo Valjekana» da 28-j chviliny atrymali dźvie čyrvonyja kartki, paśla čaho kamanda zastałasia ŭdzieviacioch. Pry hetym pa chodzie matču «Rajo Valjekana» navat vyjhravaŭ 2:1, ale zatym prapuściŭ dzieviać miačoŭ zapar.
Pierad hulnioj trenier «Rajo Valjekano» Paka Chiemies zajaviŭ, što «stavić svaje jajcy» na toje, što jaho kamanda praviadzie «dobry matč» z madrydskim «Reałam».
10:2 — samy bujny lik u hetym siezonie ŭ najmacniejšych čempijanatach Jeŭropy. «Reał» za ŭsiu svaju historyju zabivaŭ 10 miačoŭ u čempijanacie Ispanii trojčy. Jak adznačaje The Guardian, apošni raz pieramoha z takim likam adbyłasia ŭ 1960 hodzie, kali «Reał» vyjhraŭ u «Elče» (11:2).
Kamientary