Zakazaŭ na pradukcyju pradpryjemstva niama.
Pra heta havorycca ŭ zahadzie, padpisanym kiraŭnictvam zavoda, paviedamlaje «Brescki kurjer».
Źmieny ŭ hrafik unosiacca «ŭ suviazi z vytvorčymi i ekanamičnymi pryčynami, jakija vyjavilisia ŭ pamianšeńni popytu na pradukcyju, što vyrablajecca AAT«Brestsielmaš», adsutnaściu damovaŭ na nastupny pieryjad, źnižeńniem abjomaŭ rabot i prybytku, a taksama z metaj zachavańnia pracoŭnych miescaŭ».
Takim čynam, norma praciahłaści pracoŭnaha času źmienšanaja da 24 hadzin u tydzień, pry hetym u asnoŭnych vytvorčych cechach dadatkovymi vychodnymi dniami buduć čaćvier i piatnica. Što tyčycca strukturnaha padraździaleńnia pradpryjemstva, jakoje zabiaśpiečvaje realizacyju i adhruzku pradukcyi (słužba markietynhu i zbytu), to tam hrafik vychadu na pracu składzieny z ulikam zachavańnia racyjanalnaj rasstanoŭki kadraŭ dla paźbiahańnia prastoju (takoje ž patrabavańnie raspaŭsiudžvajecca na buchhałteryju i ekanamičny adździeł). Na čas dziejańnia zahadu apłata pracy budzie vieścisia zhodna faktyčna adpracavanamu času.
Zavod «Brestsielmaš» apošnija 35 hadoŭ śpiecyjalizujecca na vypusku ciepłavoha abstalavańnia. U 2000 hodzie pieraŭtvorany ŭ adkrytaje akcyjaniernaje tavarystva. 100% akcyj naležyć fizičnym asobam. Na pradpryjemstvie pracuje blizu 400 čałaviek.
Kamientary