Rezkaje padzieńnie koštu azierbajdžanskaha manata paśla pryniataha Centralnym bankam krainy rašeńnia ab pierachodzie na płavajučy kurs pryviało da taho, što handlovyja sietki pačali abmiažoŭvać prodaž impartnych tavaraŭ.
Pavodle źviestak partała haqqin.az, u ciapierašni čas u Baku začynienyja sietki elektroniki İrshad Telekom, Music Gallery, Baku Electronics. Jak piša vydańnie, pryčynaj zakryćcia nazyvajuć pieraacenku tavaraŭ.
U charčovych kramach prypynieny prodaž impartnaj pradukcyi, u tym liku zaviezienaj u Azierbajdžan z Rasii, Ukrainy i krain SND. Jak paviedamili haqqin.az uładalniki handlovych kropak, u ciapierašni čas jany čakajuć ukazańniaŭ u suviazi padzieńniem kursu nacyjanalnaj valuty.
Ahienctva Trend.az paviedamlaje taksama, što banki Azierbajdžana časova prypynili hrašovyja pieravody, u mnohich abmieńnikach pakul nie pravodziacca i apieracyi pa abmienie najaŭnaj valuty.
Ekśpierty aścierahajucca, što paśla devalvacyi manata ŭ pazyčalnikaŭ paŭstanuć surjoznyja prablemy z absłuhoŭvańniem uziatych raniej valutnych kredytaŭ.
«Čakajucca prablemy ź viartańniem kredytaŭ u dalarach», — papiaredziŭ staršynia Centra ekanamičnaha i sacyjalnaha raźvićcia Vuhar Bajramaŭ.
U svaju čarhu deputat parłamienta Azierbajdžana Rufat Hulijeŭ u intervju Trend zajaviŭ, što ŭrad zrobić usio mahčymaje, kab praduchilić rost cenaŭ na pradukty charčavańnia, pasłuhi ŽKH i transpart, «kab situacyja nie vielmi mocna adbiłasia na dabrabycie nasielnictva».
Pa słovach Hulijeva, rašeńnie ab devalvacyi azierbajdžanskaha manata było vymušanym i čakanym pa pryčynie skaračeńnia valutnych reziervaŭ Centralnaha banka. Inšym čyńnikam, jon nazvaŭ rašeńnie FRS ZŠA ab pavyšeńni bazavaj staŭki.
Kamientary