Žanr: tryler
Režysior: Alechandra Amienabar
U rolach: Itan Choŭk, Ema Uotsan, Devid Ćjulis, Devan Bościk, Aaran Ešmar, Dejł Dyki
Ispanija, Kanada, 106 chv.
Adznaka: 6.
Padčas rasśledavańnia spravy Andžeły Hrej detektyŭ Brus Kiner vymušany źviarnucca da psichołaha dla ŭznaŭleńnia ŭspaminaŭ jaje baćki Džona Hreja. Sieans rehresiŭnaha hipnozu adkryvaje žachlivyja fakty — pa načach sa zhody baćki nad dziaŭčynaj pravodzilisia sataninskija rytuały. Žadajučy abaranić dziaŭčynu ad pieraśledu tajnaj supołki, detektyŭ akazvajecca ŭciahnuty ŭ śviet akultyzmu. Toje, čamu jon vymušany supraćstajać, znachodzicca za miažoj razumieńnia i kidaje vyklik jaho pierakanańniam i viery.
Film zasnavany na realnych padziejach, jakija raskryvajuć manipulacyi z padśviadomaściu. Ispaniec čylijskaha pachodžańnia, režysior i kampazitar Alechandra Amienabar sam napisaŭ scenar. Majučy «Oskar»-2005 za dramu «Mora ŭnutry», jon viarnuŭsia da žanru trylera, ź jakoha pačynaŭ svaju karjeru. Stužka poŭnicca štampami i mocna nahadvaje nizkahatunkavy film žachaŭ, źlohku prypraŭleny navukovymi faktami. Prysutnaść psichołaha-hipnaciziora nie ratuje film. Atmaśfiera staranna nahniatajecca, ale piersanažy vyhladajuć płoska i davieru nie vyklikajuć.
Pierakanaŭčym vyhladaje chiba tolki detektyŭ Kiner, piersanaž Itana Choŭka. Akcior nie raz naminavaŭsia na «Oskar» i šmat zdymajecca ŭ trylerach. Duet jamu skłała brytanka Ema Uotsan, vykanaŭca roli Hiermijony ŭ franšyzie pra Hary Potera. Rola achviary joj dałasia niabłaha, a na hałoŭnaha manipulatara jana padobnaja mała.
Zdymki adbyvalisia ŭ kanadskich Antarya, Taronta i Totenchemie. Pieršy dzień zdymak supaŭ z 25-m dniom naradžeńnia Emy Uotsan.
***
Rehresija (łac. regressus — zvarotny ruch) — achoŭny miechanizm, jaki źjaŭlajecca formaj psichałahičnaha prystasavańnia ŭ situacyi kanfliktu ci tryvohi. Čałaviek nieśviadoma źviartajecca da dziciačych, infantylnych uzoraŭ pavodzinaŭ, jakija, jak jamu zdajecca, harantujuć lepšuju abaronu i biaśpieku.
-
«Skončycie ŭžo hetu bojniu». Režysior Źviahincaŭ atrymaŭ Hran-pry Kanskaha fiestyvalu i źviarnuŭsia sa sceny da Pucina
-
«Spačatku žančyny»: u hetym filmie žančyny kirujuć śvietam, a mužčyny vučacca być spakuślivymi, kab zrabić karjeru
-
«Minataŭr» Andreja Źviahincava — antyvajennaja drama, jakuju stojačy vitali ŭ Kanach
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?6
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary